________________ ..सिरिसिरिवालकहा 29 बालोवि महीपालो रज पालेइ मंतिमुत्तेणं / मंतीहिं सव्वत्यवि रज्ज रक्खिज्जए लोए // 29 // कइवयदिणपज्जते बालयपित्तिजओ अजिअसेणो। परिगहमेअं काउं, मंतइ निवमंतिवहणत्थं // 293 // तं जाणिऊण मंती कहिलं कमलप्पभाइ सव्वंपि। विनवइ देवि जह तह रक्खिजसु नंदणं निययं // 294 // जीवंतेण सुएणं होही रज्जं पुणोवि निभंतं / ता गच्छ इमं घित्तुं कत्थवि अहयंपि नासिस्सं // 295 // तत्तो कमला चित्तूण नंदणं निग्गया निसिमुहमि। मा होउ मंतभेओ ति सव्वहा चत्तपरिवारा // 296 // निवभज्जा मुकुमाला वहियचो नंदणो निसा कसिणा। चंकमणं चरणेहिं ही ही विहिविलसियं विसमं // 297 // पिअमरणं रजसिरीनासो एगागिणित्तमरितासो / रयणीवि विहायंती हा संपइ कत्थ वच्चिस्सं ? // 298 // इच्चाइ चिंतयंती जा वच्चइ अग्गओ पभायंमि। ता फिट्टाए मिलियं कुट्टियनरपेडयं एगं // 299 // तं दट्ठणें कमला, निरुपमरूवा महग्घआहरणा। अबला बालिकसुआ भयकंपिरतणुलया रुयइ // 30 // तं रुयमाणि दटुं पेडयपुरिसा भणंति करुणाए / भद्दे ! कहेसु अम्हं कासि तुमं कीस बीहेसि? // 301 / /
