Jain Itihasni Zalako

SR No.: 032845
Original Sutra Author: N/A
Author: Chandrashekharvijay
Publisher: Kamal Prakashan Trust
Publication Year: 1980
Total Pages: 210
Language: Gujarati
Classification: Book_Gujarati
File Size: 14 MB

Page 69

પર જૈન ઇતિહાસની ઝલકો પાંચ પુત્રો જંગલ તરફ ધસ્યા. સુભટો ધન મેળવીને નગર તરફ પાછા ફર્યા. ધનશેઠ અને પુત્રો સુસુમાને મેળવવા જીવ ઉપર આવી ગયા. જ્યારે ચિલાતીને લાગ્યું કે હવે સુસુમા હાથમાં નહિ રહે ત્યારે તેનું માથું કાપી નાખ્યું. માત્ર મસ્તક હાથમાં લઈને તે ભાગ્યો. ધનશેઠને ભારે આઘાત લાગ્યો. બધાયને અસહ્ય તરસ લાગી હતી. પ્રાણ નીકળી જવાની તૈયારી હતી. એટલે પ્રાણ બચાવવા માટે તેમણે સુસુમાના જ ધડનું લોહી પીધું અને તૃષા છિપાવી. માથું લઈને નાસતા ચિલાતીને કોઈ મુનિરાજ મળી ગયા. ભારે આવેશથી તેણે કહ્યું, “એ સાધુ ! મને ટૂંકમાં ધર્મ બતાવ...નહિ તો હમણાં જ માથું ઉડાવી દઈશ.” ઉપશમ...વિવેક..સંવર”આ ત્રણ પદો બોલીને એ ચારણમુનિ આકાશમાં ઊડી ગયા. આ ત્રણ પદોનું ચિંતન કરતો ચિલાતી કોઈ અપૂર્વ આધ્યાત્મિક સ્થિતિ પામવા લાગ્યો. તે ત્યાં જ, તે સાધુની જેમ સ્થિર ઊભો રહીને તે પદોનું ચિંતન કરવા લાગ્યો. સુસુમાના લોહીથી ખરડાયેલો તેનો દેહ હતો. લોહીની ગંધથી ખેંચાઈને જંગલી કીડીઓ આવી. આખા શરીરે ચોંટી ગઈ. અઢી દિવસના ઘોર ઉપસર્ગમાં સ્થિર રહીને ચિલાતીમુનિ સમાધિમરણ પામીને આઠમા દેવલોક પહોંચી ગયા. [105] ઢઢણમુનિ કૃષ્ણ વાસુદેવના ઢંઢણ નામના પુત્ર હતા. તેમનું અનેક કન્યાઓ સાથે લગ્ન થયા બાદ પરમાત્મા નેમનાથસ્વામીજીની દેશના સાંભળતાં વિરાગ થયો અને તેમણે દીક્ષા લીધી. તે પછી તેમને એવો જોરદાર લાભાંતરાય કર્મનો ઉદય (જથી પુરુષાર્થ કરવા છતાં લાભ ન થાય) થયો કે જે સાધુની સાથે તે ભિક્ષાર્થી તરીકે જોડાય તે સાધુને પણ ભિક્ષા ન મળે. પ્રભુ પાસેથી મુનિઓને ઢંઢણમુનિનો પૂર્વભવ જાણવા મળ્યો ત્યારે બધી વાત સમજાઈ. ઢંઢણમુનિનો જીવ પારાશર નામે ખેડૂત હતો. ભારે ત્રાસ ગુજારવા સાથે તે મજૂરો પાસે કામ કરાવતો. મજૂરો ભયંકર નિસાસા નાખતા. મરીને તે નરકે ગયો. બાદ કેટલાક ભવે ઢંઢણ તરીકે થયો. આ સાંભળીને ઢંઢણમુનિએ અભિગ્રહ કર્યો કે, “બીજાની લબ્ધિથી પ્રાપ્ત થયેલી ભિક્ષા માટે વાપરવી નહિ.”