Page Text
________________ 23 જૈન ઇતિહાસની ઝલકો જ હોવાનો દાવો કર્યો. ખરી મા ગભરાઈ ગઈ. તે રાજા પાસે ગઈ અને પોતાનો દીકરો મેળવી આપવા વિનંતી કરી. બન્નેએ એ દીકરો “પોતાનો” જ હોવાનો દાવો કર્યો. રાજા પણ મૂંઝાયો. સાંજે જમતી વખતે તેણે રાણીને આ વાત કરી. ગર્ભના પ્રભાવથી રાણીને ઉકેલ દડી ગયો. તેણે કહ્યું કે, “તેનો ન્યાય હું જ આવતીકાલે સભામાં કરીશ.' બીજે દિવસે બન્ને માતાઓને રાણીએ કહ્યું કે, “તમારો ન્યાય મારો ગર્ભસ્થ પુત્ર, જન્મ પામ્યા બાદ સમજણો થશે ત્યારે કરી દેશે.” આ સાંભળીને ઓરમાન મા રાજી થઈ. “ભલે.. ભલે.” તેણે કહ્યું. તરત જ રાણીએ કહ્યું કે, “જે ખરી માતા હોય તે કદી પોતાના દીકરાના વિરહને ખમી શકે નહિ અને ‘ભલે ભલે કહી શકે નહિ. માટે આવું કહેનારી સ્ત્રીનો આ દીકરો નથી એવો હું ફેંસલો આપું છું.” [48] મહોપાધ્યાયજી શ્રી યશોવિજયજી મહારાજા મહોપાધ્યાયશ્રી યશોવિજયજી મહારાજા સાહેબ કાશીમાં અભ્યાસ કરીને ન્યાયવિશારદ'નું બિરુદ લઈને ગુરુદેવ પાસે ગુજરાતમાં પાછા ફર્યા. એક દિ' પ્રતિક્રમણમાં કોઈ શ્રાવકે ગુરુદેવને વિનંતી કરી કે સઝાય બોલવાનો આદેશ યશોવિજયજી મહારાજને અપાય. પણ અફસોસ ! તેમને તો આવી એકે ય સજઝાય આવડતી ન હતી. આથી પેલા શ્રાવકે માર્મિક શબ્દોમાં કહ્યું, “તે શું કાશીમાં ઘાસ જ વાયા કર્યું કે ?" બીજે દિ' પ્રતિક્રમણના સમયે યશોવિજજી મહારાજે પોતે જ ગુરુદેવ પાસે સજઝાયનો આદેશ માંગ્યો. ખાસ્સા ત્રણ કલાક સુધી એ સઝાય ચાલી. પેલા શ્રાવકજી થાકી ગયા તે વખતે યશોવિજયજી મહારાજે કહ્યું, “પૂણ્યાત્મા ! કાશીમાં જે ઘાસ મેં વાત્યું હતું તેના પૂળા બાંધી રહ્યો છું.” આ કર્ણોપકર્ણ સાંભળેલી કથા છે. [49] તામલી તાપસનો તપ તામલી તાપસે સાઠ હજાર વર્ષનો ઉગ્ર તપ કર્યો. પારણાના દિવસે જે વાપરતો તેને એકવીસ વખત ધોઈને સત્ત્વહીન કરી દેતો. જો આ ઘોર તપ જિનાજ્ઞાપૂર્વકનો (સમ્યકત્વ સહિત) હોત તો તપનું બળ એક હજાર સાધુઓને મોક્ષ પમાડી શકે તેટલું હતું.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |