Page Text
________________ જૈન ઇતિહાસની ઝલકો [44] જૈનાચાર્ય રુદ્ર એ હતા, મહાન જૈનાચાર્ય - રુદ્ર. એમના ચાર શિષ્યો જબરા શાસનપ્રભાવક હતા. એક વાર ચારેય શિષ્યો ચાતુર્માસના ભિન્ન ભિન્ન સ્થળોમાં ભારે મોટી શાસન પ્રભાવના કરીને ગુરુદેવ પાસે પાછા ફર્યા ત્યારે ગુરુદેવે તેમને કોઈને જરાય સન્માન્યા નહિ. “તમે સુંદર કાર્ય કરી આવ્યા.” એટલા પ્રશંસાના બે શબ્દો પણ કહ્યા નહિ. આથી ચારેય શિષ્યોનો ઉત્સાહ તૂટી પડ્યો. તેમણે કાયમ માટે શાસનપ્રભાવક આરાધનાઓ છોડી દીધી. આથી ગુરુ અને તમામ શિષ્યો દુર્ગતિમાં ગયાં. [45] મોતીશા શેઠના પુત્ર ખેમચંદભાઈ એ હતા, શેઠ મોતીશાના પુત્ર ખેમચંદભાઈ. દુષ્કર્મના યોગે ધંધાઓમાં સરખાઈ ન આવતાં. ધીમે ધીમે સ્થિતિ એકદમ ઘસાઈ ગઈ. લેણદારોના ધસારાને ખાળવો મુશ્કેલ થઈ પડ્યો. તેમણે કોર્ટમાં નાદારી નોંધાવી નામદાર કોર્ટ સમક્ષ તમામ સ્થાવર-જંગમ મિલકત નોંધાવીને જ્યારે તેઓ કોર્ટના ખંડમાંથી બહાર નીકળતા હતા ત્યારે અચાનક એમનો હાથ કાન પર ગયો અને ચાંદીની વાળી ધ્યાનમાં આવી. મન બોલી ઊઠ્ય, ““રે ! આ વાળી તો નોંધાવવાની હું ભૂલી જ ગયો !" તરત પાછા ફરીને વાળી નોંધાવીને તેઓ ઘેર ગયા. એ વખતે ન્યાયાધીશની આંખમાં આંસુ ઊભરાઈ ગયાં. [46] “અવ્યક્ત' નામના નિલવ વીર-પ્રભુના નિર્વાણ બાદ 214 વર્ષે ત્રીજા નિલંવ (નિવ) થયા. શ્વેતામ્બિકા નગરીમાં અષાઢભૂતિ નામના જૈનાચાર્ય થયા. તેઓ પોતાના શિષ્યોને આગાઢ (જેને અધૂરી મૂકી ન શકાય તેવી) યોગ-ક્રિયા કરાવી રહ્યા હતા. આ કાળમાં તેમનો કાળધર્મ (મૃત્યુ) થઈ ગયો. તેઓ સૌધર્મ દેવલોકમાં આવેલા નલિની ગુલ્મ વિમાનમાં દેવ થયા. શિષ્યોને યોગક્રિયા પૂરી કરાવવા માટે તેમણે તરત જ સ્વમૂતકમાં પોતાના આત્માનો પ્રવેશ કરાવ્યો. આથી શિષ્યોને એ સત્યની ગંધ પણ ન આવી કે તેમના ગુરુ અષાઢાચાર્ય કાળધર્મ પામી ગયા છે અને દેવ થયા છે. જ્યારે શિષ્યોની યોગક્રિયા પૂરી થઈ ત્યારે તે જ ગુરુએ સઘળી સાચી હકીકત કહી; અને તેઓ અન્તર્ધાન થઈ ગયાં. આ આશ્ચર્યજનક ઘટના ઉપરથી કેટલાક શિષ્યો વિમાસણમાં પડી ગયા
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |