Page Text
________________ 14. જૈન ઇતિહાસની ઝલક અનેક જીવોના પ્રાણની રક્ષા કરી; જ્યારે એ ગમખ્વાર ઘટનાની નગરજનોને ખબર પડી ત્યારે સર્વત્ર હાહાકાર મચી ગયો. આચાર્યદેવે પોતાના શિષ્યોને આજુબાજુના ગામોમાં મોકલી આપ્યા તેમના દ્વારા ચોરે ચૌટે ઊભા રહીને તમામ લોકોને ખબર આપવામાં આવી કે નાગશ્રી નામની એક સ્ત્રીએ મુનિહત્યાનું ઘોર પાપ કર્યું છે. નાગશ્રીને તેના જાતભાઈઓએ તિરસ્કારીને નગરમાંથી હદપાર કરી. બિચારી ! દીર્ઘ કાળ સુધી સંસારમાં ભટકી. આ નાગશ્રી એક વાર સુકુમાલિકા થઈ. સાંસારિક જીવનમાં ભયંકર ત્રાસ અનુભવીને સાધ્વી થઈ. ગુરુની ઉપરવટ જઈને સાધના કરતાં એક વાર પાંચ પરપુરુષો સાથે વેશ્યાને જોઈને તેવો આનંદ પામવાનું નિયાણું કર્યું અને તેના ફળરૂપે દ્રૌપદી થઈ સ્વયંવરમાં અર્જુનને જ વરમાળા નાંખવા છતાં બાકીના ચારેય પાંડવોના ગળામાં પણ વરમાળા જોવા મળી, તેનું કારણ આ નિયાણું જ હતું. [31] ભવિષ્યમાં ગોશાલકની પ્રથમ દેશના અનંતકાળ પછી એક સમય એવો આવી લાગશે કે, જ્યારે પરમાત્મા મહાવીરદેવને - પોતાના ગુરુને - રંજાડનારો; તેમને બાળી નાખવા સુધીના યત્નો કરનારો ગોશાલક કેવળજ્ઞાન પામશે અને અંતે મોક્ષમાં જશે. કેવળજ્ઞાન પામીને તે જે પહેલી દેશના આપશે તેમાં શ્રોતાઓને પોતાની પૂર્વભવોની કાળી કથા સંભળાવશે અને તેનો ઉપસંહાર કરતાં કહેશે કે, “હે ભવ્યાત્માઓ ! તમે કદી પણ કોઈ પણ પ્રકારની ધર્મગુરુની નિંદા કે આશાતના કરશો નહિ, નહિ તો મારા જેવા ભયંકર હાલ-હવાલ થશે.” [32] ધનમિત્ર અને ધનશર્મા ઉજ્જયિની નગરીના વણિક ધનમિત્રે પોતાના બાળ-પુત્ર ધનશર્મા સાથે દીક્ષા લીધી. એકદા ઉનાળાના વિહારમાં બાળ-મુનિ કારમી તૃષાથી પીડાવા લાગ્યા. પિતા-મુનિને દયા આવી જતાં પાસેની નદીનું પાણી પી લેવા જણાવ્યું. પોતાની હાજરીથી તે પાણી નહિ પીએ એવી કલ્પના કરીને પિતા-મુનિ ઝડપથી આગળ વધી ગયા. બાળ-મુનિ નદીતટની ધગધગતી રેતીમાં જ બેસી ગયા. અસહ્ય તૃષાથી તેમનો જીવ નસનસમાંથી ખેંચાતો હતો. થોડી મિનિટોમાં જ પરિષહ સહવા મળ્યો. તેની ભારે પ્રસન્નતા સાથે બાળ-મુનિએ પ્રાણ છોડી
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |