Page Text
________________ જૈન ઇતિહાસની ઝલકો રાજાનો માંહ્યલો જાગી ગયો. તરત જ સંન્યાસ લેવાની તૈયારી કરી. પત્નીએ થોડોક સમય થોભી જવા વિનંતી કરી, જેથી બેય બાળકોનો સવાલ ઉકેલી શકાય. પણ ના. મોડો મોડો પણ જાગેલો માંહ્યલો હવે પળ પણ થોભવા તૈયાર ન હતો. મસ્ત્રીઓને નાનકડો બાળ પ્રસન્નચન્દ્ર સોંપીને તેની ભાવિ વ્યવસ્થા કરી દીધી; અને પોતે સગર્ભા પત્ની સાથે સંન્યાસધર્મ સ્વીકારી લીધો. એક અરબી કહેવત છે, “ધોળા વાળ જેવો જગતમાં બીજો કોઈ ઉપદેશ નથી.” [18] તામલી તાપસ એનું નામ હતું, તામલી. એ ભારે સુખી ગૃહસ્થ હતો. સુખી હતો તેમ ધર્મી પણ હતો. એનું ધન બન્ને માર્ગે સતત વપરાતું હતું. એકદા રાતે એને વિચાર આવ્યો કે આ રીતે ભોગનું જીવન જીવવાથી તો મારું બધું પુણ્ય ખતમ થઈ જશે. હાય ! પછી પરલોકમાં મારું શું થશે ? તો લાવ, હવે એકલો ધર્મ આરાધીને વિપુલ પુણ્યનો સંગ્રહ કરી લઉં.” સવાર પડતાં જ તામલીએ સંન્યાસ-ધર્મ સ્વીકારી લીધો. ઘોર તપનો યજ્ઞ માંડ્યો. એકદા જીવદયાની દૃષ્ટિએ નીચી નજરે જોઈને ચાલતા, વનમાંથી પસાર થતા જૈન મુનિઓને તાલી તાપસે જોયા. એમના જીવનના સૂક્ષ્મ જીવદયાપાલનાદિની તે ભારોભાર અનુમોદના કરવા લાગ્યો. એના પ્રભાવે તેને સમ્યગ્દર્શન પ્રાપ્ત થયું (આ મતાંતર છે.) મૃત્યુ પામીને તે દેવ થયો. [19] રાવણની પ્રભુભક્તિ રાવણ એવા તો જબ્બર જિનભક્ત હતા કે વાત ન પૂછો. કર્મવશાત્ એ સીતાજીને મેળવવા પાછળ ઝૂરતા હતા, પણ તેની સાથે જ આવી દુષ્ટ વાસના પોતાને જાગવા બદલ તે પરમાત્મા પાસે ય ખૂબ રડતા હતા. તેમણે સ્વદ્રવ્યથી પોતાના રાજમહેલમાં રત્નમણિમય ગૃહમંદિર બનાવ્યું હતું. તેમાં નીલમ વગેરે મહામૂલ્યવાન પાષાણના પ્રતિમાજી બિરાજમાન કર્યા હતાં. તેમના ગૃહમંદિરની ખ્યાતિ ચોમેર વ્યાપી ગઈ હતી. આથી જ જયારે લંકાવિજય કરીને રામચન્દ્રજીએ લંકામાં પ્રવેશ કર્યો ત્યારે તે ગૃહમંદિરના દર્શનાર્થે ઉત્સુક બની ગયા હતા. જ્યારે તેમણે તે મંદિરની સજાવટ જોઈ
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |