Page Text
________________ જૈન ઇતિહાસની ઝલકો તેઓ પરમાત્માથી જુદા પડ્યા ત્યારે સાધ્વી બનેલાં પ્રિયદર્શના પણ જમાલિમુનિના પક્ષે ગયાં હતાં. જેમને પાછળથી ઢંક નામના પ્રભુભક્ત કુંભારે સાચા માર્ગે વાળી દીધાં હતાં. આ જમાલિએ પ્રચંડ વૈરાગ્યપૂર્વક પાંચ સો રાજકુમારો અને એક હજાર સ્ત્રીઓ સાથે પરમાત્મા મહાવીરદેવથી પ્રતિબોધ પામીને દીક્ષા લીધી હતી. [5] દુર્બલિકા-પુષ્યમિત્ર | દુર્બલ-પુષ્યમિત્ર નામના મુનિ નવ પૂર્વને એટલો બધો સ્વાધ્યાય કરતા હતા કે ઘી વગેરે કાંઈ પણ વાપરે તો તે બધું સાફ થઈ જતું. તેમના સંસારી બંધુઓ બૌદ્ધધર્મી હતા. તેમણે તેમની દુર્બળતા બદલ ગુરુદેવ પાસે ચિન્તા વ્યક્ત કરી. ગુરુદેવે સાચી હકીકત સમજાવી, પણ સંસારી બંધુઓને સંતોષ ન થયો. ગુરુદેવની રજા લઈને વધુ પ્રમાણમાં ઘી વગેરે આપવા લાગ્યા. પણ સ્વાધ્યાયના અગ્નિમાં બધું બળીને ખાખ થઈ ગયું. છેલ્લે ગુરુદેવે સ્વાધ્યાય બંધ કરાવીને માત્ર સાદો ખોરાક લેવડાવ્યો. થોડા જ દિવસમાં દુર્બલ-પુષ્યમિત્રનું શરીર હૃષ્ટપુષ્ટ દેખાવા લાગ્યું. સમગ્ર સાંસારિક પરિવાર આશ્ચર્યમુગ્ધ બની ગયો. સહુએ જિનધર્મનું શરણ સ્વીકાર્યું. [6] ઓરંગઝેબ અને શાન્તિદાસ શેઠ - જ્યારે મોગલ બાદશાહ ઔરંગઝેબ હિન્દુઓનાં મંદિરો અને મૂર્તિઓનું ક્રૂરતાથી ભંજન કરતો હતો ત્યારે જૈન સંઘના આગેવાન શેઠ શાન્તિદાસ વૃદ્ધાવસ્થાનાં કષ્ટોની પરવા કર્યા વિના દિલ્હી ગયા હતા. બાદશાહને મોટું નજરાણું વગેરે અર્પણ કરીને પ્રસન્ન કર્યા હતા અને શત્રુંજય આદિ અનેક તીર્થો તથા જિનમંદિરોને હાથ પણ નહિ અડાડવાનાં ફરમાનો સૂબાઓ ઉપર મોકલાવીને પાછા ફર્યા હતા. આ તે જ ઔરંગઝેબ હતો કે જેણે પોતાના યૌવનકાળમાં અમદાવાદના સૂબા તરીકેની કામગીરી વખતે આ જ શાન્તિદાસ શેઠનું અતિ ભવ્ય જિનાલય રાતોરાત ખંડિત કરીને મસ્જિદમાં ફેરવી નાખ્યું હતું. શેઠ શાન્તિદાસ અને તેમના વંશવારસોએ વખતોવખત વણિકબુદ્ધિ વાપરીને પલટાતી જતી રાજકીય સ્થિતિઓમાં અઢળક સંપત્તિનો વ્યય કરીને પણ તીર્થો અને જિનમંદિરોની મોગલોનાં આક્રમણોમાંથી રક્ષા થતી રહે તે માટે પોતાની તમામ શક્તિ કામે લગાડી હતી.
| SR No. | 032845 |
| Book Title | Jain Itihasni Zalako |
| Original Sutra Author | N/A |
| Author | Chandrashekharvijay |
| Publisher | Kamal Prakashan Trust |
| Publication Year | 1980 |
| Total Pages | 210 |
| Language | Gujarati |
| Classification | Book_Gujarati |
| File Size | 14 MB |