________________ જેન ઇતિહાસની ઝલકો [1] આર્યરક્ષિતસૂરિજી આર્યરક્ષિતસૂરિજી મહારાજાની પાસે એક વાર દેવેન્દ્ર આવ્યા હતા. તેમની પાસેથી નિગોદ' (જેમાં અનંતા જીવ વચ્ચે એકેક શરીર હોય તેવી વનસ્પતિનો એક પ્રકાર)નું વર્ણન સાંભળ્યું અને દેવેન્દ્ર તેમની જ્ઞાનશક્તિ ઉપર આફરીન પુકારી ગયા. ત્યાર બાદ દેવેન્દ્ર પોતાની હસ્તરેખા તેમને બતાવી હતી. જે જોઈને સૂરિજીએ તે વૈમાનિક દેવલોકનો દેવાત્મા છે તેમ કહ્યું હતું. તે સમયે મુનિઓ ભિક્ષાર્થે બહાર નીકળી ગયા હતા એટલે તેઓ પાછા ફરે ત્યાં સુધી રોકાઈ જવાનું અને દેવાત્માનું પ્રત્યક્ષ સ્વરૂપ તે શિષ્ય-મુનિઓને દેખાડવાનું સૂરિજીએ દેવેન્દ્રને કહ્યું. ત્યારે દેવેન્દ્ર કહ્યું, “ગુરુદેવ ! તેમ કરવું મને ઠીક લાગતું નથી. મારા તેજસ્વી અને વૈભવી રૂપના દર્શને કોઈક મહાત્માને આવા ભૌતિક સુખનો ભોગવટો કરવા માટે ઇચ્છા જાગી જાય તે સંભવિત છે.” સૂરિજી તેની વાતમાં સંમત થતાં, છેવટે દેવાત્મા આવ્યાની સાક્ષીરૂપે પ્રવેશદ્વાર બદલીને દેવેન્દ્ર વિદાય થયા હતા. [2] શ્રીકૃષ્ણની ભેરી શ્રીકૃષ્ણ વાસુદેવ પાસે દેવાત્માએ આપેલી - દેવી - ભેરી હતી. જ્યારે વગાડે ત્યારે જે કોઈ તેના ધ્વનિનું શ્રવણ કરે તે બધાયન (પ્રાય:) રોગો નિર્મુળ થઈ જાય. દર છ મહિને એક વાર - મુકરર કરેલા સમયે - આ ભેરી વગાડવામાં આવતી. એક દી કોઈ ધનવાન આદમી રોગમુક્તિ માટે દ્વારિકા આવ્યો, પણ તેના આવ્યાના થોડા જ કલાક પૂર્વે ભેરી વાગી ગઈ હતી. બીજા છ માસ સુધી રોગનું તીવ્ર દુઃખ સહન કરવાની તેની તાકાત ન હતી. તેણે ભેરીવાદક નોકરને સોનામહોર આપીને ફોડ્યો. ચંદનની ભેરીમાંથી એક કટકી કપાવીને ઘસીને તે પી ગયો. ત્યાં લાકડાની કટકી ગોઠવી દીધી. ખરેખર કીમિયો સફળ
