Page Text
________________ જન્મથી જૈન ન હતા, જન્મથી જ એમને વીતરાગ-સર્વજ્ઞનું શાસન મળ્યું ન હતું. એક સંસારી તરીકે લોભને આધીન તેઓ શ્રીમંત બન્યા હતા. પરંતુ જે દિવસે શ્રમણભગવાન મહાવીર પરમાત્માની દેશના સૌ પ્રથમવાર સાંભળી ત્યારે સમ્યક્ત્વપૂર્વક બારવ્રતનો સ્વીકાર કર્યો છે. તેમાં પરિગ્રહ પરિમાણ નામના પાંચમા અણુવ્રતમાં, “વર્તમાન સંપત્તિમાં હવે પછી રાતીપાઈનો ઉમેરો નહિ કરું અને ક્રમશ: તેને ઘટાડવાનો પુરુષાર્થ કરીશ', એવો નિર્ધાર કર્યો છે. આ આગમમાં તે શ્રાવકો પાસે તેઓ ધર્મ પામ્યા ત્યારે શું હતું, માત્ર તેનું વર્ણન છે, સંપત્તિ વગેરે મેળવવાની વાત તો નથી કરી પરંતુ પાપરૂપ હોવાથી છોડવાની જ વાત કરી છે. તે તે શ્રાવકોએ ક્રમશ: સંપત્તિ છોડી પોતાના સ્વજનો અને શરીરની પણ મમતા છોડી અંતે અનશન આરાધ્યું છે. 8 - આનંદ શ્રાવકના જીવનની એક ઘટના બહુ મહત્ત્વપૂર્ણ છે. નિર્મળવ્રત સાધના અને ઘોર તપશ્ચર્યાના બળે આનંદ શ્રાવકને અવધિજ્ઞાન પ્રગટ થયું. તે દિવસોમાં એકવાર શાસનશિરતાજ શ્રીગૌતમસ્વામી મહારાજા ભિક્ષા માટે વાણિજ્યગ્રામના કોલ્લાક સન્નિવેશમાં પધાર્યા. ત્યાં અનેક લોકોના મુખે આનંદ શ્રાવકના અનસનની વાત સાંભળી તેઓ આનંદની પૌષધશાળામાં પધાર્યા. આનંદ શ્રાવકે તપશ્ચર્યા વડે શરીરને ઘણું કૃશ કર્યુ હતું. સંથારામાંથી ઊભા થઈ ગૌતમ મહારાજાની સન્મુખ જઈ શકે તેવી પણ શારીરિક સ્થિતિ ન હતી. તેણે શ્રી ગોતમ મહારાજાને અતિનિકટ આવવાની વિનંતિ કરી. નિકટ પધારેલા પ્રથમગણધરના ચરણનો સ્પર્શ કરી પોતાના આત્માને કૃતાર્થ માનતા આનંદે પ્રશ્ન પૂછ્યો, ‘ભગવંત! શ્રાવકને અવધિજ્ઞાન ઉત્પન્ન થઈ શકે ?' ગૌતમ મહારાજાએ કહ્યું, “આનંદ!શ્રાવકને અવધિજ્ઞાન અવશ્ય થઈ શકે.” ત્યારે તેણે કહ્યું, “ભગવંત ! મને અવધિજ્ઞાન થયું છે અને હું 500 યોજન સુધી પૂર્વ, પશ્ચિમ અને દક્ષિણ દિશામાં તથા ઉત્તર દિશામાં ચુલ્લ હિમવંત પર્વત સુધી જોઈ શકું છું. ઊર્ધ્વ દિશામાં પ્રથમ દેવલોક અને ઉપાસકદશાંગ સૂત્ર-૨ 59
| SR No. | 032830 |
| Book Title | Agamni Olakh |
| Original Sutra Author | N/A |
| Author | Vijaykirtiyashsuri |
| Publisher | Sanmarg Prakashan |
| Publication Year | 2017 |
| Total Pages | 242 |
| Language | Gujarati |
| Classification | Book_Gujarati |
| File Size | 13 MB |