________________ દશવૈકાલિક સૂત્ર વીર સંવત્ ૭રમાં શ્રમણ ભગવાન શ્રી મહાવીર સ્વામીની ચોથી પાટે પૂ.આ.શ્રી શય્યભવસૂરિ મહારાજા થયા. તેઓશ્રીએ પોતાના પૂર્વાવસ્થાના (સંસારીપણાના) પુત્ર શ્રી મનકમુનિના શીધ્ર કલ્યાણ માટે શ્રી દશવૈકાલિક સૂત્રની રચના કરી છે. આવશ્યક સૂત્ર સિવાયના આગમો કાલિક અને ઉત્કાલિક એમ બે વિભાગમાં વહેંચાયેલા છે. ઉત્કાલિક સૂત્રોની શ્રેણિમાં સૌ પ્રથમ દશવૈકાલિક સૂત્ર છે. દશ અધ્યયન સ્વરૂપ આ આગમનો અભ્યાસ વિકાળ સમયે થતો હોવાથી દશવૈકાલિક સૂત્ર તરીકે ઓળખાય છે. કાળવેળા અને અસઝાયના કાળ સિવાય ના સમયને વિકાળ કહેવાય છે. શ્રમણ ભગવંતો પહેલાં આચારાંગ સૂત્રના અભ્યાસથી પોતાના જ્ઞાનાભ્યાસની શરૂઆત કરતા હતા. જ્યારથી શ્રીદશવૈકાલિક સૂત્રની રચના થઈ ત્યાર પછી પ્રત્યેક શ્રમણ ભગવંતો દશવૈકાલિક સૂત્રનો અભ્યાસ સૌ પ્રથમ કરે છે. આચારાંગ સૂત્રના શસ્ત્રપરિજ્ઞા અધ્યયનના અભ્યાસ પછી જે ઉપસ્થાપના (વડદીક્ષા) થતી હતી તે હવે દશવૈકાલિક સૂત્રના ચતુર્થ ષજીવનિકાય અધ્યયનના અભ્યાસથી થાય છે. આચારાંગ સૂત્રના બીજા અધ્યયન લોકવિજયના આમગંધ નામના પાંચમા ઉદ્દેશાના અભ્યાસ પછી સાધુભગવંતોને ગોચરી વહોરવાનો અધિકાર પ્રાપ્ત થતો 178aaaaN આગમની ઓળખ
