________________ આવશ્યક સૂત્ર આવશ્યક સૂત્ર, દશવૈકાલીક સૂત્ર, ઉત્તરાધ્યયન સૂત્ર અને ઓધ નિર્યુક્તિ કે પિંડનિર્યુકિત. આ ચાર સૂત્રો મૂલસૂત્રમાં ગણવામાં આવે છે. ચારિત્રજીવનના પ્રારંભથી જ અતિ ઉપયોગી હોવાથી આ સુત્રોને મૂલસૂત્ર તરીકે ઓળખવામાં આવે છે. જેમાં પ્રથમ મૂળસૂત્ર આવશ્યક સૂત્ર છે. પ્રત્યેક સાધુ, સાધ્વી, શ્રાવક અને શ્રાવિકાએ પ્રતિદિન સવાર-સાંજ અવશ્ય કરવા યોગ્ય ક્રિયાને આવશ્યક ક્રિયા કહેવાય છે. તે આવશ્યક ક્રિયામાં ઉપયોગી સૂત્રો આવશ્યક સૂત્ર છે. જેની રચના શ્રી ગણધર ભગવંતોએ શાસન સ્થાપનાના શુભ દિવસે દ્વાદશાંગીની રચના પૂર્વે સૌપ્રથમ કરેલી છે. આ સૂત્ર અતિમહત્ત્વપૂર્ણ છે. જેના ઉપર અંતિમ ચૌદપૂર્વી પૂ.શ્રી ભદ્રબાહુ સ્વામીજી મહારાજની નિયુક્તિ છે. પૂ.શ્રી જિનભદ્રગણી ક્ષમાશ્રમણજી મહારાજનું વિશેષાવશ્યક ભાષ્ય છે. પૂ. શ્રી જિનદાસગણિ મહત્તર રચિત ચૂર્ણિ છે. ભાષ્ય ઉપર સ્વોપજ્ઞ વૃત્તિ રચવાનું કામ પૂ.શ્રી જિનભદ્રગણિ મહારાજે શરૂ કર્યુ હતું. જીવનદીપ બુઝાતા તે કામ પૂ.શ્રી કોચ્યાચાર્યજી એ પૂર્ણ કર્યું. પૂ.આ.શ્રી હરિભદ્રસૂરિ મહારાજાએ પણ આવશ્યક નિર્યુકિત પર ટીકા રચીને આવશ્યક સૂત્રોના રહસ્યોનું અતિવિશદ ઉદ્ઘાટન કર્યુ છે. પૂ શ્રી મલયગિરિજી મહારાજાએ આવશ્યક વિવરણ નામની વૃત્તિ રચી છે. મલધારી પૂ. શ્રી હેમચંદ્રસૂરિ મહારાજાએ ૧૭૪ના આગમની ઓળખ
