________________ ગીતાર્થવિહાર નામનું છઠ્ઠું અધ્યયન અમાયાવી નંદીષેણ મુનિ, માયાવી લક્ષ્મણા સાધ્વી વગેરે અનેક દૃષ્ટાંતોથી ભર્યું ભર્યું છે. આ અધ્યયનના શબ્દો છે.... “જ્યાં સુધી થોડું પણ આયુષ્ય ભોગવવાનું બાકી છે, ત્યાં સુધી આત્મહિત સાધી લો!” પ્રથમ ચૂલિકામાં પ્રાયશ્ચિતનાં સ્થાનો અને તેના યથાયોગ્ય પ્રાયશ્ચિતની વિચારણા છે. સુસઢસાધુના દૃષ્ટાંત દ્વારા આલોચનાની શુદ્ધિ કેટલી આવશ્યક છે તે વાત બીજી ચૂલિકામાં જણાવેલ છે. ગચ્છાચાર પ્રકીર્ણક સૂત્રનો આધાર આ આગમ છે, તેવું મનાય છે. શાસનશિરતાજ ગુરુશ્રી ગૌતમ-મહારાજા તથા શ્રમણ ભગવાન શ્રી મહાવીર પરમાત્મા વચ્ચે થયેલ પ્રશ્નોત્તર સ્વરૂપ આ છેદગ્રંથ અનેક અભિનવ પદાર્થોનો બોધ કરાવે છે. વર્તમાનમાં આ સૂત્રના યોગોહન આગાઢ છે. આયંબિલના તપ પૂર્વક કરાય છે. યોગવહન કરનારા મુનિવરોને દીક્ષા પ્રદાન, વ્રતોચ્ચારણ, તપોચ્ચારણ, યોગક્રિયા, ઉપધાનતપ, સંઘમાળ અને એવા જ કોઈ અવસરે આચાર્યપદપ્રદાન આદિ નાણ સમક્ષ થતી ક્રિયાઓ કરાવવાનો વિશિષ્ટ અધિકાર મળે છે. આ જ છેદસૂત્રમાં દર્શાવેલ વર્ધમાન વિદ્યાની સાધનાનો અધિકાર પણ તે શ્રમણને પ્રાપ્ત થતો હોય છે. 168aaaa આગમની ઓળખ
