________________ આગમની ઓળખ ‘માસ્તવનું ગામ:' આગમ એટલે આપ્ત પુરુષનું વચન, રાગ, દ્વેષ અને અજ્ઞાનરૂપી દોષોને જીતનાર હોય તે આપ્ત. આ ત્રણેય દોષોને સાદિ અનંત ભાંગે જીતેલા છે તેવા અરિહંત પરમાત્માઓ આપ્તપુરુષોની શ્રેણીમાં સૌથી શિરમોર સ્થાને આવે છે. કેવળજ્ઞાન અને કેવળદર્શનને પ્રાપ્ત કરનારા તે અરિહંત પરમાત્માનું વચન આપ્તવચનરૂપ હોવાથી આગમ કહેવાય છે. તે રીતે તે જ અરિહંત પરમાત્માના ત્રિકાલાબાધિત વચનો જે જે ગ્રંથોમાં ગૂંથવામાં આવ્યાં છે તે સર્વ ગ્રંથોને પણ આગમ તરીકે ઓળખવામાં આવે છે. આ આગમગ્રંથો દુ:ખમુક્તિનો અને સુખપ્રાપ્તિનો સાચો માર્ગ બતાવે છે. સંસારમાં રખડાવનાર રાગ-દ્વેષને જીતવાનો, મિથ્યાત્વથી બચીને સમ્યક્ત્વ પામવાનો, અવિરતિનાં પાપોને તોડીને વિરતિમય નિષ્પાપ જીવન જીવવાનો, કષાયોની આગને શમાવીને સમત્વના શિખરે પહોચવાનો માર્ગ બતાવે છે. આગળ વધીને કહીએ તો આત્માને મહાત્મા બની પરમાત્મદશા પામવાનો માર્ગ પણ આગમગ્રંથો જ બતાવે છે. 1444 ગ્રંથરત્નોના રચયિતા સમર્થ શાસ્ત્રકાર શિરોમણિ શ્રી હરિભદ્રસૂરિજી મહારાજાએ આગમનું મહિમાગાન કરતાં સંબોધ પ્રકરણમાં કહ્યું કે, ___ कहं अम्हारिसा जीवा, दुसमादोसदूसिया / हा अणाहा कहं हुंता, जइ न हुंति जिणागमो / / અર્થ : જો પ્રભુવચનને બતાવનાર આગમગ્રંથો ન હોત તો દુ:૫મ કાળના દોષથી દૂષિત એવા અમારા જેવા જીવોનું શું થાત ? પૂજ્ય મહામહોપાધ્યાય શ્રી યશોવિજયજી મહારાજાએ પણ આગમશાસ્ત્રોની ઉપકારકતાનું ધ્યાન આપતાં જ્ઞાનસારમાં કહ્યું છે કે, शास्त्रे पुरस्कृते तस्माद्, वीतरागः पुरस्कृतः / पुरस्कृते पुनस्तस्मिन्, नियमात् सर्वसिद्धयः / / આગમની ઓળખ || 1
