________________ અરણિકમુનિ, અંધકમુનિના શિષ્યો, સુકોશલમુનિ આદિ અંતિમ આરાધના કરનારા પ્રસિદ્ધ મહાપુરુષોનાં દૃષ્ટાંતો બતાવ્યાં છે. પ્રકીર્ણકગ્રંથના અંતિમ શ્લોકોમાં બહુ માર્મિક વાત કરી છે. કડવા લીમડાના વૃક્ષમાં ઉત્પન્ન થયેલા કીડાઓ માટે ઝેરી લતાઓનું ઝેર એ જ સ્વર્ગ અને મોક્ષનું સુખ હોય છે. તેમ વિષય-કષાયથી મૂઢ બનેલા અન્યતીર્થિક જીવો જિનશાસનરૂપી કલ્પવૃક્ષને પામ્યા ન હોવાના કારણે સંસાર દુ:ખમાં જ ક્લેશ પામે છે. જેમ લીમડામાં ઉત્પન્ન થયેલો કીડો કટુરસને મધુર માને છે તેમ મોક્ષસુખને ન જાણનારા મિથ્યાદૃષ્ટિઓ સંસારના દુ:ખને જ સુખ માને છે. મરણ સમાધિ પ્રકીર્ણકની વાત ટૂંકમાં કરી. પ્રકીર્ણક ગ્રંથોમાં અંતે વીરસવ પ્રકીર્ણકનો પણ સમાવેશ થાય છે. જેમાં ચોવીસમા તીર્થપતિ શ્રી વિરપરમાત્માની સ્તવના સ્વરૂપ 43 ગાથાઓ છે. બીજી અને ત્રીજી ગાથા દ્વાર ગાથા છે. જેમાં લગભગ 23 વિશેષણો દ્વારા પ્રભુની સ્તવના કરીશ’ એ પ્રકારે ગ્રંથકારે પ્રતિજ્ઞા કરી છે. ગ્રંથના અંત સુધી એ પ્રતિજ્ઞાનુસાર એક એક વિશેષણ પ્રભુ મહાવીરમાં સાર્થક કરી આપેલ છે. કંઠસ્થ કરવા પ્રાયોગ્ય આ પ્રકીર્ણક છે. આવતા લેખથી આપણે છ છેદસૂત્રોની આંશિક ઓળખ મેળવશું. ગતાંકમાં દેવેન્દ્રસ્તવ૦ ના વર્ણનમાં ત્રીજી કોલમમાં, વિમાનવાસી કરતાં ભવનપતિ અસંખ્યાતગણા અને ભવનપતિ કરતાં વ્યંતરદેવો અસંખ્યાતગણા એમ વાક્ય સુધારીને વાચવું. એ પ્રકીર્ણકના કર્તા શ્રી ઋષિપાલ સ્થવિર છે - એમ જાણવું. ૧૪ન્ના આગમની ઓળખ
