________________ Vikli, Waa . ગચ્છાચાર પ્રકીર્ણક સૂત્ર શ્રી મહાનિશીથ, શ્રી બૃહત્કલ્પ અને શ્રી વ્યવહાર ભાષ્યરૂપ ત્રણ છેદગ્રંથોમાંથી ઉદ્ધરીને પ્રસ્તુત શ્રી ગચ્છાચાર પ્રકીર્ણક સૂત્રની રચના થયેલ છે. ગાથા-૧૩૭ છે. જેમાં કોઈ પૂર્વના મહાપુરુષ દ્વારા ગચ્છનું સ્વરૂપ અને તેના આચારોનું વિસ્તૃત વર્ણન કરેલું છે. અંતિમગાથાઓમાં ગ્રંથકારે સ્વયં આ પ્રકીર્ણકને શ્રુતસાગરના સારભૂત કહ્યું છે. આત્મકલ્યાણને ઇચ્છનારા પ્રત્યેક સાધુ-સાધ્વીજી ભગવંતને આ પ્રકીર્ણક ભણવાની ભલામણ કરી છે. શ્રીપ્રભુ મહાવીર સ્વામીને નમસ્કાર કરીને શરૂઆત થઈ છે. ગચ્છ એટલે સાધુ સમુદાય. ઉન્માર્ગગામી ગચ્છ તે કુગચ્છ. સન્માર્ગગામી ગચ્છ તે સુગચ્છ. જે ગચ્છમાં શ્રમણાચારો શિથિલ અને નિમ્નકક્ષાના છે તે કુગચ્છ. જ્યાં આચારો માર્ગસ્થ અને નિર્મળ છે તે સુગચ્છ. સામાન્યથી આ વ્યાખ્યા યાદ રાખનારને આ પ્રકીર્ણકની વાતો સમજવી સરળ રહેશે. ઉન્માર્ગગામી ગચ્છમાં રહેલા સાધુ-સાધ્વીને થતાં આત્મિક નુકસાનો અને સન્માર્ગગામી ગચ્છમાં થતાં આત્મિક લાભો સૌ પ્રથમ બતાવ્યા છે. ત્યાર પછી ગચ્છના નેતા આચાર્યના ગુણો અને દોષોનું વર્ણન પણ યથાતથ કર્યું છે. ગુણવાન આચાર્યના આશ્રયે રહેલો ગચ્છ શિવપુરગામી છે જ્યારે ગુણહીન - દોષાધીન આચાર્યના આશ્રયે રહેલો ગચ્છ દુર્ગતિગામી છે. આ વર્ણન લગભગ 33 ગાથામાં છે. આગળ વધીને કુલ ૧૪ના આગમની ઓળખ
