________________ ફૂલમાળાથી ક્ષણિક સુંદર દેખાય છે. માતાની કુક્ષિથી જ જીવ અશુચિનું ભક્ષણ કરે છે. તેનાથી સર્જાયેલું આ શરીર નવ-નવછિદ્રોથી મળસાવી છે. અશુચિમાં રાગ એ અન્નજીવોનું લક્ષણ છે. # સ્ત્રી સંબંધી ઉપદેશ - કામરાગ અને મોહથી મૂઢ એવા કવિઓએ સ્ત્રીની પ્રશંસામાં ઘણું લખ્યું છે. જેમાં વાસ્તવિકતાનો છાંટો નથી, નર્યો મોહનો અંધાપો છે. સ્વસ્થ મને વિચારીએ તો સ્ત્રીનું ચરિત્ર બહુ વિષમ છે. સ્ત્રી સ્વભાવથી કુટિલ છે, લજ્જારહિત છે, તે સંમોહનની માતા છે, દુરાચાર- અનાચારનું નિવાસસ્થાન છે, ક્રોધાંધ બને ત્યારે વાઘણ છે, કામાંધ બને ત્યારે મદોન્મત હાથણ છે. માયાંધ બને ત્યારે તે તૃણ આચ્છાદિત કૂવા સમાન છે. શીલ બાળવા આગ છે, વિશ્વાસભંગ કરતી કાળા સર્પ સમાન છે. કિંપાક ફળની જેમ આપાત્ રમ્ય - વિપાક દારૂણ છે. કહી શકાય કે સંસારની જડ હોય તો તે સાક્ષાત્ સ્ત્રી છે. આ અધિકારમાં લગભગ 42 સૂત્રો દ્વારા સ્ત્રી સંબંધી વૈરાગ્યજનક ઉપદેશ છે. તંદુલવૈચારિક અગર તંદુવેયાલિય નામના આ પ્રકીર્ણક આગમ ગ્રંથના ઉપસંહારમાં કહે છે કે, મૃત્યુ થતાં પુત્ર, મિત્ર કે પત્ની પણ સાથ છોડી દે છે, પણ સમુપાર્જિત ધર્મ ક્યારેય સાથ છોડતો નથી. ઇચ્છિત ભોગથી લઈને નિર્વાણ સુધીના અલ્પકાલીન કે શાશ્વત બધાં જ સુખો ધર્મનું ફળ છે. માટે હે જીવ! તું ધર્મ કર, જેનાથી બધાં દુ:ખો દૂર થાય. 12aa આગમની ઓળખ
