Page Text
________________ અવાજ, 5000 માણસ પણ વિના માઈકે સાંભળી સમજી શકે તેવો અવાજ, શાસ્ત્રાનુસારી નિરૂપણ, શ્રોતાને બોલતો કરી સભાને જાગતી અને જીવતી રાખવાની કળા, સભામાંથી ઉઠેલા પ્રશ્નોના જડબાતોડ નહિ પણ હૃદયંગમ સમાધાનો તલ્લણ પીરસી વિરોધીને ય વશ અને શાસનસમર્પિત બનાવતી કરુણામયી પ્રસ્તુતિ... આવી અઢળક વિશેષતાઓ તેઓશ્રીના પ્રવચનમાં ઝળકી આવે છે. વાચના-પ્રદાનમાં આ બધા ગુણો ઉડીને આંખે વળગે છે. વ્યક્તિગત ધોરણે અત્યંત આરાધનામય એવા તેઓશ્રીના પગલે-પગલે શાસન પ્રભાવક પ્રસંગોની હારમાળા સર્જાય છે. તો વળી પૂજ્ય ગુરુદેવશ્રીજી દ્વારા હુકમના પત્તાંરૂપે શાસન સુરક્ષાના અવસરે કરાયેલો તેઓશ્રીનો સદુપયોગ એવો તો કારગત નીવડયો હતો કે ત્યારબાદ શાસન-સંઘ-સમુદાયમાં જ્યારે પણ સિદ્ધાંત-સુરક્ષા માટે પડકાર ફેંકવાનો અવસર આવે ત્યારે કોઈની હાકલ પડે કે ન પડે, એક મરજીવાની જેમ તેઓશ્રી પૂરી તાકાતથી શાસન સુરક્ષાના કાર્યમાં સક્રિય રહેતા આવ્યા છે. મૃતિમંદિરનો ર૭ દિવસીય મહોત્સવ, ગંધાર શતાબ્દી મહોત્સવ જેવા ટોચને સ્પર્શેલા મહોત્સવના આયોજનના માર્ગદર્શક તેઓશ્રી હતા. દિવસના 24 કલાકમાં આહાર અને નિદ્રાનો બહુ જ મર્યાદિત સમય બાદ કરતા બાકીનો સમય તેઓ શાસન-સંઘ-સમુદાય કાજે સમર્પિત કરીને સતત કાર્યરત રહે છે. એ કાર્યમગ્નતા જ તેમની અવ્વલ સ્વસ્થતાનું રહસ્ય છે. ગ્રંથોના સંપાદન, પ્રવચનોનું શુદ્ધિકરણ, સંઘોને માર્ગદર્શન, મહાત્માઓને અધ્યયન, સેંકડો મહાત્મા-પુણ્યાત્માઓને આલોચનાપ્રદાન, શાસનના વિશિષ્ટ કાર્યોનાં આયોજન, ચતુર્વિધ શ્રીસંઘનું શ્રેષ્ઠ યોગક્ષેમ, ઉગ્ર વિહારચર્યા, વિરોધમાં વિરોધી પ્રત્યે ય વાત્સલ્યભરી કરુણાદૃષ્ટિ, સતત કર્મસ્થિતિનું ચિંતન, જિનાજ્ઞા અને મૈત્રાદિથી અંત:કરણનું ભાવન આદિ અઢળક ગુણરાશિથી ભર્યું ભર્યું જીવન જીવી એના ફળરૂપે સુંદર સમતા અને સમાધિના ઝુલે પ્રતિપળ ઝુલતા આ મહાપુરુષના શ્રીચરણે તેઓશ્રીની દીક્ષાઅર્ધશતાબ્દીના અવસરે કોટિ કોટિ વંદના! 12
| SR No. | 032830 |
| Book Title | Agamni Olakh |
| Original Sutra Author | N/A |
| Author | Vijaykirtiyashsuri |
| Publisher | Sanmarg Prakashan |
| Publication Year | 2017 |
| Total Pages | 242 |
| Language | Gujarati |
| Classification | Book_Gujarati |
| File Size | 13 MB |