________________ ચતુર શરણ પ્રકીર્ણક સૂત્ર અગ્યાર અંગ અને બાર ઉપાંગ સૂત્રોનો પરિચય મેળવ્યા પછી હવે પન્ના સૂત્રોની શરૂઆત કરીએ. પ્રાકૃતભાષામાં “પઈન્નગ અને સંસ્કૃતમાં “પ્રકીર્ણક' નામે ઓળખાતા આ સૂત્રોને ગુજરાતીમાં પન્ના કહેવામાં આવે છે. ઔત્પાતિકી, વૈનયિકી, કાર્મિકી અને પરિણામિકી બુદ્ધિવાળા મુનિવરો શ્રતને અનુસાર જે ગ્રંથની રચના કરે તે પન્ના સૂત્ર કહેવાય છે. આ પ્રકીર્ણકસૂત્રોની ગણના અંગબાહ્ય આગમમાં કરી છે. જે તીર્થકર પરમાત્માના જેટલા શિષ્યો હોય તેટલા પયના શાસ્ત્રો હોય. પ્રભુશ્રી મહાવીર પરમાત્માના 14000 શિષ્યોએ રચેલા 14OO) પન્ના હતાં, એમ શ્રીનંદીસૂત્રની ટીકા આદિના આધારે કહી શકાય છે. વર્તમાનમાં મુનિ પુણ્યવિજયજી મહારાજે પઈન્સયસુત્તાઈ ભાગ-૧ અને ૨માં ઉપલબ્ધ 32 પન્નાઓ સંગૃહિત અને પ્રકાશિત કર્યા છે. હાલમાં 45 આગમની ગણતરીમાં માત્ર 10 પન્ના જ લેવાયાં છે. તેનું કારણ એ છે કે એ દશમાં એક-એક સળંગ વિષય છે. જ્યારે બીજા પન્ના શાસ્ત્રોમાં જુદા જુદા અનેક વિષયોનો સંગ્રહ છે. દશ પન્નાગ્રંથોનો પરિચય ક્રમશઃ આપીશું, એમાં પ્રથમ ચતુ શરણ પ્રકીર્ણકનો પરિચય નીચે મુજબ છે.
