________________ ઉG અત્યંત ઝઘડાખોર પત્ની મળી હતી. રોજે રોજ ભારે ક્લેશ. નાનું કંઈક બહાનું મળ્યું નથી કે એનું મગજ ફાટ્યું નથી. પતિદેવે ઘણી ધીરજ અને સમાધિ ટકાવી રાખી હતી. બહારમાં કોઈને આ બાબતની કશી જ ગંધ ન હતી. એક વાર પતિદેવનો જન્મ દિવસ નજીકમાં હતો અને બધા મિત્રોએ આગ્રહ કર્યો કે આ વખતે તો ઘરે પાર્ટી આપવી જ પડશે. હોટેલમાં પાર્ટી રાખવાની વાત કરી છતાં મિત્રોને ભાભીના હાથની જ રસોઈ ખાવી હતી. આખરે મિત્રોની સામે નમતું જોખવું પડ્યું. પાર્ટી આપવાની વાત નક્કી થઈ ગઈ. પોતે સમજે છે કે ઘરમાં જો આ લોકો આવ્યા તો બધી વાત ખુલ્લી પડી જશે. પતિદેવે ઘરે આવી પોતાની અર્ધાગનાને (!) ૫૦૦-૫૦૦ની કડકડતી પાંચ નોટ આપીને માંડ માંડ સમજાવી. આખરે એ પણ તૈયાર થઈ. પણ, એક શરત મૂકી કે - હું તમારી માત્ર 50 આજ્ઞા માનીશ. એનાથી વધારે એક પણ નહીં. પતિદેવ તો રાજી થઈ ગયા. 50 આજ્ઞા સુધી તો કોઈ વાંધો હતો જ નહીં. પાર્ટીનો દિવસ આવ્યો. પતિએ એક પછી એક આજ્ઞા કરવાની શરૂ કરી. પત્ની પણ કહ્યાગરી હોય તેમ એક પછી એક દરેક 409
