________________ તૈયારી તો છે જ. ગુસ્સો કરવો હોય તો પણ મીઠા શબ્દથી જ કરવો. મીઠા શબ્દો બોલવાના નિર્ણયને વળગી રહો. ગુસ્સો આપોઆપ કાબૂમાં આવીને જ રહેશે. આપણા મોઢામાંથી નીકળતા મીઠા શબ્દો આપણી પોતાની અને સામેવાળાની બન્નેની ક્રોધની આગ ઠારવા માટે પાણીના ધોધનું કામ કરશે. ટૂંકમાં, સુગર ફેક્ટરી પોલિસી એટલું જ કહેવા માંગે છે કે - “સુગર ફેક્ટરી બહારના જગતમાં નફો નોંધાવે કે ન નોંધાવે, પણ અધ્યાત્મ જગતમાં ક્રોધની સામે તો આ ફેક્ટરી ઘણી જ કારગત નીવડશે. સતત-સતત-સતત તમને પ્રસન્નતા અર્પશે. જે ગુસ્સો કરવો હોય તે કરવાની તમને છૂટ છે. પણ ગુસ્સામાં શબ્દો બોલો તો મીઠા જ બોલો. બાકી મૌન રહેવું જ વધુ ઉચિત છે.' સુગર ફેક્ટરી પોલિસીના આ સંદેશાને વહેલામાં વહેલી તકે આત્મસાત્ કરી એ કાળોતરા ક્રોધ ઉપર નિગ્રહ કરી શકીશું. પ્રેમ વિશ્વની મહાન શક્તિ છે, પ્રતીકાર નહીં... - એરીક લેવેન્થલ વિચાર વિનાની પ્રવૃત્તિ = ક્રોધ. - માઈકલ જોન્સન 315
