________________ કામ આપણે કર્યું, યશ બીજાને મળ્યો - લેટ ગો ! * સમાજમાં કોઈએ આપણો ભાવ ન પૂછ્યો - લેટ ગો ! * લગ્ન પ્રસંગે તમારી હાજરીની કંઈ નોંધ ન લેવાઈ - લેટ ગો ! * કોઈએ તમારી મહેમાનગતિ બરાબર ન કરી - લેટ ગો ! આવું તો અનેક પ્રસંગોમાં તમે વિચારી શકશો. કંઈ પણ અણગમતું થાય ત્યારે આ લેટ ગો’ શબ્દને મગજમાં યાદ કરવો, ગુસ્સો નિયંત્રિત થઈને જ રહેશે ! ઘણી વાર તો ભારે વિચિત્રતા જોવા મળશે. સંઘમાં અને સમાજમાં “રાડારાડ' કરવા માટે પ્રસિદ્ધ ઘણી વ્યક્તિને જોઈને થાય કે “ભાઈ ! મજબૂત છે, જોરદાર છે.” પણ જ્યારે એ જ ભાઈ ઘરમાં હોય ત્યારે કોણ જાણે એની વાણી, એની હોંશિયારી ક્યાંની ક્યાં ગાયબ થઈ જાય ? - એ જ ખબર ન પડે. સંઘમાં સિંહ જેવા એ ભાઈ ઘરમાં પત્ની સામે તો ગરીબડી ગાય જેવા લાગે. ઘરની બહાર કોઈનું એક નાનું પણ અપમાન સહન ન કરનારા ઘરમાં તો કોણ જાણે કેટલાય અપમાન સહન કરી લેતા હોય છે. આવી મનોવૃત્તિ તો આપણી ન જ હોવી જોઈએ ને ? એક ક્રિકેટર બાઉન્સર બોલને રમવા ગયો. પણ બાઉન્સર બોલ થોડો છેતરામણો નીકળ્યો અને માથે ટીચાયો. ઘડીભર તમ્મર આવી ગયા. બેટ્સમેન જમીન ઉપર પડી ગયો. બધા ગભરાયા. પણ, થોડીવાર થઈ ન થઈ - ત્યાં તો એ પાછો ઊભો થઈ રમવા માટે ગોઠવાઈ ગયો. બધાં આશ્ચર્ય પામી ગયા. આવો બોલ માથે ટીચાયા પછી પણ આટલી જ વારમાં આ રમવા માટે તૈયાર કેવી રીતે થઈ ગયો ? પાછળથી કોઈકે પૂછ્યું - “અલ્યા! આવો કચકચાવીને ફેંકાયેલો બોલ વાગ્યો છતાં તને તો જાણે કશું થયું જ નથી?” ક્રિકેટરે જવાબ વાળ્યો - ‘આનો યશ મારી પત્નીને ફાળે જાય છે.” કેવી રીતે ?' એ દહેજમાં વેલણ લઈ આવેલ છે. રોજ એ વેલણના ઘા ખાઈ ખાઈને આ માથું એવું ઘડાઈ ગયું છે કે હવે આ બોલના માર તો કોઈ હિસાબમાં નથી !' 276
