________________ પ્ર-૧૭ પુત્રવંત શાથી થાય ? ઉ. અંતરાયકર્મના ક્ષયોપશમથી. પશુ, પક્ષી, મનુષ્ય વગેરેનાં અનાથ બચ્ચાનું રક્ષણ - પાલન કરે અને જિંદગી સુધી તે બાળકો પોતાનો નિર્વાહ કરી શકે તેવાં બનાવે; તો બહુ પુત્રવાન થાય. પ્ર-૧૮ કુપુત્રવંત (ખરાબ દીકરાના પરિવારવાળો) શાથી થાય ? - ઉ. બીજાના દીકરાઓને આડું અવળું સમજાવી માબાપનો અવિનય કરાવે, પિતા-પુત્રના ઝઘડા જોઈ ખુશી થાય, મા-બાપ અને છોકરામાં કુસંપ કરાવે, પોતાના માતાપિતાને દુ:ખ આપે, ત્રણ (દેવું) અને થાપણ દબાવે તો પુત્રો, કુપુત્ર થાય. પ્ર-૧૯ સુપુત્રો શાથી થાય ? ઉ. પોતે માત-પિતાની ભક્તિ કરે, બીજાને ભક્તિ કરવાનો બોધ કરે, પુત્રોને ધર્મ માર્ગમાં જોડે, સુપુત્રોને જોઈ હરખાય તો સુપુત્રવાળો થાય. પ્ર-૨૦ કુભારજા શાથી મળે ? ઉ. પતિ-પત્નીમાં કલેશ કરાવે, વર-વહુને કજીયા કરતા જોઈ હર્ષ પામે, સ્ત્રીઓને ભોળવે, તેને વ્યભિચારિણી બનાવે, સારી સ્ત્રી દેખી દુઃખી થાય તો; કુભારજા મળે. પ્ર-૨૧ સુભાર્યા (સતી સ્ત્રી) શાથી મળે ? ઉ. પોતે શિયળ પાળે, વ્યભિચારિણી સ્ત્રીઓના સમાગમમાં ન રહે અને વ્રત ભાંગે નહિ, કુલટા સ્ત્રીઓને સુધારે, સતી 82 જૈન ધર્મનું અજોડ કર્મ વિજ્ઞાન
