________________ હશે તો એની વધુ અસર પડશે. જીવન એ તો મૂંગો ઉપદેશ છે, મૂંગો પણ નક્કર ! મહાત્માઓના સંસર્ગથી વંકચૂલ વગેરે ચોર-ડાકુ જેવા પણ સુધરી ગયાના દાખલા બને છે. સારા વર્તનવાળા માબાપની છોકરા પર જબ્બર અસર પડે છે. આપણું ય સુધરે અને બીજાનું ય સુધરે. જો આપણે કાંઈ સુધરવું છે નહિ, ને બીજાને શિખામણ આપ્યા કરીએ, તો એમાં શું વળે? સંન્યાસીનું દષ્ટાંત H એક સંન્યાસી એક ગામમાં ચોમાસું રહી ઉપદેશ કરે છે. ત્યાં બન્યું એવું કે એક શ્રોતા રોજ સાંભળવા આવતો, તે એકવાર સંન્યાસી પાસે જઈ બેઠો, કહે છે - “મહાત્માજી ! તમારો રસના ત્યાગનો ઉપદેશ તો સચોટ લાગે છે, અમારે કાનની બૂટ પકડવી પડે છે. પરંતુ ભાઈસાબ ! આપણને મીઠાઈ ખાવાની બહુ આદત છે તે કેમ હજી છૂટતી નથી ?' સંન્યાસી મનમાં વિચારે છે કે આનો શો જવાબ દેવો? પેલો ફરી પૂછે છે, એટલામાં વિચાર કરી લઈ કહે છે, “તમે પંદર દિવસ પછી મને પૂછજો.” પણ મહારાજ ! હમણાં જ કહી દો ને.” “ઉતાવળ ન કરો, પંદર દિ' બાદ પૂછજો.” દરમિયાન સંન્યાસીએ ઉપદેશનો વિષય બદલ્યો. પંદરમે દિવસે પાછો રસના-ઇન્દ્રિયના સંયમનો ઉપદેશ છેડ્યો. પેલો શ્રોતા સાંભળતા ઊભો થઈ કહે છે, “મહારાજ ! મને જીવનભર મીઠાઈ-ત્યાગની પ્રતિજ્ઞા કરાવી દો.' સંન્યાસી કહે, “પછી મળજો.” કથા પૂરી થઈ. લોક વેરાઈ ગયા. પેલો આવીને બેઠો સંન્યાસી પાસે; પ્રતિજ્ઞા માગે છે, “કરાવી દો વ્રત.” પણ તમે મન પાકું કર્યું છે ?' હા મહારાજ ! આજ તો નિર્ધાર થઈ ગયો છે, કે આ ઘોર પાપ ન જોઈએ.” 100 અનોખો વાર્તાસંગ્રહ)
