________________ 28 પ્રતિદ્વાર ૮મું - વંદનના અનધિકારી 5 (10) સામાચારીનું વિપરીત આચરણ થવા પર ગુરુ કહે કે આલોચના કરીને પ્રાયશ્ચિત્ત લે’ તો ગુરુની સામે કંઈક અનિષ્ટ બોલે પણ ગુરુનું વચન માને નહીં. (11) ભૂલ થાય તો મિચ્છામિ દુક્કડ ન આપે. (12) ગુરુની વૈયાવચ્ચ ન કરે. (13) પચ્ચક્ખાણ લેતા વંદન ન કરે. (14) લેવા-મૂકવામાં જુવે નહીં - પ્રમાર્જ નહીં. વગેરે વિપરીત રીતે સામાચારીને આચરે તે દેશાવસન. (3) કુશીલ - ખરાબ ચારિત્રવાળો હોય તે કુશીલ. તે 3 પ્રકારે છે(i) જ્ઞાનકુશીલ - 8 પ્રકારના જ્ઞાનાચારની વિરાધના કરે તે. (i) દર્શનકુશીલ - 8 પ્રકારના દર્શનાચારની વિરાધના કરે તે. (i) ચારિત્રકુશીલ - (1) કૌતુક - લોકોમાં માન્યતા, સંતાન વગેરે માટે સ્ત્રીઓ વગેરેને ચોક વગેરેમાં વિવિધ ઔષધિથી મિશ્રિત પાણીનું સ્નાન, મૂલિકાબંધ વગેરે કરાવાય છે. અથવા જેમ જાદુગર મોઢામાં ગોળા નાંખીને કાનમાંથી કે નાકમાંથી કાઢે તેમ મુખમાંથી અગ્નિ કાઢે તે. (2) ભૂતિકર્મ - તાવવાળા વગેરેની શય્યા વગેરેની ચારે દિશામાં મંત્રેલી રાખ નાંખવી તે. (3) પ્રશ્નાપ્રશ્ન - કોઈએ પોતાનું ઇષ્ટ પૂછ્યું હોય કે ન પૂછયું હોય ત્યારે જપેલી વિદ્યા વડે, કર્ણપિશાચિકાવડે કે મંત્રથી અભિષેક કરાયેલ ઘંટડીઓ વડે સ્વપ્રમાં કહેવાયેલું બીજાને કહેવું તે. (4) નિમિત્ત - ભૂતકાળ, વર્તમાનકાળ, ભવિષ્યકાળ સંબંધી લાભ, અલાભ વગેરે ભાવો કહેવા તે.
