________________ દ્વાર ૧૨૮મું - રાત્રે જાગવાની વિધિ 389 દ્વાર ૧૨૮મું - રાત્રે જાગવાની વિધિ પહેલા પ્રહરમાં બધા સાધુઓ સ્વાધ્યાય, અધ્યયન કરતા કરતા જાગે છે. બીજા પ્રહરમાં વૃષભો પ્રજ્ઞાપના વગેરે સૂત્રોનું પરાવર્તન કરતા કરતા જાગે છે અને બાકીના સાધુઓ સૂઈ જાય છે. ત્રીજા પ્રહરમાં આચાર્ય પ્રજ્ઞાપના વગેરે સૂત્રોનું પરાવર્તન કરતા કરતા જાગે છે અને વૃષભો સૂઈ જાય છે. ચોથા પ્રહરમાં બધા સાધુઓ ઊઠીને વૈરામિક કાલગ્રહણ લઈને કાલિકશ્રુતનું પરાવર્તન કરે છે અને આચાર્ય સૂઈ જાય છે. પહેલો પ્રહર બીજો પ્રહર | ત્રીજો પ્રહર | ચોથો પ્રહર આચાર્ય | જાગે | સૂવે | જાગે | સૂવે વૃષભ | જાગે | જાગે | સૂવે | જાગે સાધુ | જાગે | સૂવે | સૂવે | જાગે જે મનને અશુભભાવોમાંથી અટકાવીને અને શુભભાવોમાં આગળ વધારીને અનંત મહાત્માઓ મુક્તિમાં ગયા, તે જ મન ખરાબ વિચારોથી મને સંસારમાં ફેંકી દે છે. પ્રભુ ! હું શું કરું? મનને મોતીની માળાની જેમ, સ્ફટિકની જેમ, ક્ષીરસમુદ્રના પાણીની જેમ નિર્મલ કરવું એ જ પરમાત્માની સિદ્ધાજ્ઞા છે.
