________________ દ્વાર ૧૧૨મું - શય્યાતરપિંડ 367 સ્થાને રહેવા જાય અને વસતિ જો તેની માલિકીની જ હોય તો તે જ શય્યાતર થાય. કોઈ પણ સાધુના શય્યાતરનો પિંડ વર્કવો. માત્ર વેષધારી સાધુના શય્યાતરનો પિંડ પણ વર્જવો. મહારાષ્ટ્રમાં દારૂની દુકાનમાં દારૂ હોય કે ન હોય તો ય ધજા લગાડાય છે જેથી ભિક્ષાચરો ત્યાં ભિક્ષા માટે ન જાય. તેમ સાધુના ગુણ હોય કે ન હોય પણ જેની પાસે રજોહરણ હોય તેના શય્યાતરનો પિંડ વર્કવો. શય્યાતરપિંડ લેવામાં દોષો - (1) તીર્થકરની આજ્ઞાનો ભંગ થાય. (ર) અજ્ઞાતઉંછ (કોઈ ઓળખતું ન હોય ત્યાંથી ભિક્ષા લેવી)નું પાલન ન થાય. (3) ઉદ્ગમના દોષો લાગે. (4) સ્વાધ્યાય સાંભળવા વગેરેથી ખુશ થયેલ શય્યાતર દૂધ વગેરે સ્નિગ્ધ દ્રવ્યો વહોરાવે તો આસક્તિ થાય. (5) અલાઘવ થાય. વિશિષ્ટ આહાર મળવાથી શરીર પુષ્ટ થવાથી શરીરનો અલાઘવ થાય. શય્યાતર પાસેથી ઘણી ઉપધિ મળવાથી ઉપધિનો અલાઘવ થાય. (6) “જેણે વસતિ આપવાની તેણે આહાર વગેરે પણ આપવાના.” ગૃહસ્થોને આવો ભય લાગવાથી વસતિ દુર્લભ બને. (7) આહાર વગેરેના દાનના ભયથી શય્યાતર વસતિનો નાશ કરે. અથવા વસતિ ન મળવાથી સાધુને અન્ન, પાણી, શય્યા વગેરે ન મળે. અશય્યાતર ક્યારે થાય ? જ્યાં રહ્યો હોય તે સ્થાનમાંથી જ્યારે નીકળે બીજા દિવસે તે સમય પછી તે વસતિનો માલિક અશય્યાતર
