________________ 336 દ્વાર ૯૭મું - 8 પ્રકારની ભિક્ષાચર્યાની વીથિ વિપરીત બતાવ્યું છે. પંચાશકમાં અત્યંતરશબુકા અને બહિઃશબુકાની બદલે જમણી બાજુથી શંબુકાવૃત્તા અને ડાબી બાજુથી શંબુકાવૃત્તા કહી છે. અન્ય ગ્રંથોમાં (૧)નો (૨)માં સમાવેશ કરીને અને (૭)-(૮)ની ભેગી ગણત્રી કરીને ભિક્ષાચર્યાની છ વીથિ કહી છે. + જન્મ-મરણાદિના તથા દુર્ગતિઓના ભયંકર દુઃખોના ભોગવટાથી ભૂતકાળ અતિશય ભયંકર છે. જો વર્તમાનમાં પણ જિનશાસનની આરાધના થઈ ન શકી તો ભવિષ્યકાળ પણ અતિ ભયાનક થશે. + દેવ, ગુરુ અને શાસન પરની શ્રદ્ધા અને ભક્તિ એ ભવરોગનિવારણનું અમોઘ ઔષધ છે. પણ સાથે અર્થલાલસા અને કામતૃષ્ણા મંદ કરતા જવું એ પણ પથ્ય છે. ઔષધ અને પથ્ય બંનેના સેવનથી જ ભવરોગ દૂર થશે. + તીર્થકરને ગુણસમુદાયનું વર્ણન તીર્થકર જ કરી શકે, બીજા નહીં, કેમકે તીર્થંકર પાસે જ અતિશયવાળી વાણી છે. રોજ વિચારો, મારું ભવિષ્યમાં શું થશે? હું મરીને ક્યાં જઈશ? મેં આ ભવમાં કાંઈ સુકૃત કર્યા નથી અને દુષ્કતો-પાપો કરવામાં બાકી રાખ્યા નથી, તો આ બધા પાપોને હું શી રીતે ભોગવીશ? બોલર ભલે બેટ્સમેનને આઉટ કરી દેવા જ બોલિંગ કરતો હોય, નિમિત્ત એક પણ એવું નથી કે આપણને અશુભ કર્મબંધના શિકાર બનાવવા જ આપણી સામે ઉપસ્થિત થતું હોય ! આપણી થોડીક જ જાગૃતિ અને આપણે એની અસરથી સર્વથા મુક્ત !
