________________ દ્વાર ૮૯મું - ક્ષપકશ્રેણિ 291 જાય તો અસંખ્યવર્ષના આયુષ્યવાળા મનુષ્ય-તિર્યંચમાં જાય, સંખ્યાતા વર્ષના આયુષ્યવાળા મનુષ્ય-તિર્યંચમાં ન જાય. ત્યાંથી તે દેવ થઈને મનુષ્યભવમાં આવીને પછી મોક્ષે જાય. તેથી તે ચોથા ભવે મોક્ષે જાય. (vi) પૂર્વે આયુષ્ય બાંધેલ જીવ દર્શન 7 નો ક્ષય કર્યા પછી કાળ ન કરે તો પણ સ્થિર રહે, ચારિત્રમોહનીય ખપાવવાનો યત્ન ન કરે. (vi) પૂર્વે વૈમાનિક દેવનું આયુષ્ય બાંધેલ કોઈક જીવ દર્શન 7 ના ક્ષય પછી ચારિત્રમોહનીય ઉપશમાવવાનો યત્ન કરે. (vi) મિથ્યાત્વમોહનીયના પુદ્ગલોમાંથી મિથ્યાત્વમોહનીયપણું દૂર થતા તે જ સમ્યક્ત્વમોહનીયરૂપ બને છે. તે મદન (નશીલો પદાર્થ) વિનાના કરાયેલા કોદ્રવ જેવું છે. દર્શન 7 નો ક્ષય કરનારને સમ્યક્ત્વમોહનીયનો ક્ષય થયો હોવા છતાં તત્ત્વભૂત પદાર્થોની શ્રદ્ધારૂપ અને આત્માના પરિણામરૂપ સમ્યગ્દર્શનનો ક્ષય થયો નથી. તેથી દર્શન 7 નો ક્ષય થયા પછી પણ તે જીવને સમ્યગ્દર્શન હોય છે. જેમ સફેદ અબરખના પાતળા પડમાંથી થતાં દર્શન કરતા તે પડ નીકળી ગયા પછી એકલી મનુષ્યની દૃષ્ટિથી થતું દર્શન વધુ વિશુદ્ધ હોય છે તેમ સમ્યકત્વમોહનીયના ઉદયથી મળનારા સમ્યગ્દર્શન કરતા સમ્યકત્વમોહનીયના ક્ષયથી મળનારુ સમ્યગ્દર્શન વધુ વિશુદ્ધ હોય છે. (ix) પૂર્વે આયુષ્ય નહીં બાંધેલ જીવ જો ક્ષપકશ્રેણિ માંડે તો દર્શન 7 ના ક્ષય પછી પરિણામ પડ્યા વિના તે ચારિત્રમોહનીયના ક્ષય માટે યત્ન કરે. તે આ પ્રમાણે - (1) ત્રણ કરણ કરે. અપ્રમત્તસંયત ગુણસ્થાનકે યથાપ્રવૃત્તકરણ કરે, અપૂર્વકરણ ગુણસ્થાનકે અપૂર્વકરણ કરે અને અનિવૃત્તિબાદરસપરાય ગુણસ્થાનકે અનિવૃત્તિકરણ કરે.
