________________ દ્વાર ૮૩મું ચર્મપંચક 277 દ્વાર ૮૩મું ચર્મપંચક (1) બકરીનું ચામડુ. (2) ઘેટીનું ચામડુ. (3) ગાયનું ચામડુ. (4) ભેંસનું ચામડુ. (5) હરણનું ચામડુ. બીજી રીતે ચર્મપંચક - (1) તલિકા - એક તળીયાવાળા જોડા (ચપ્પલ જેવા). તે ન મળે તો બે, ત્રણ કે ચાર તળીયાવાળા જોડા લે. સાર્થને લીધે રાત્રે અંધારામાં જવાનું થાય ત્યારે, દિવસે માર્ગને છોડીને ઉન્માર્ગે જવાનું થાય ત્યારે, ચોર - જંગલી પશુઓ વગેરેના ભયથી ઝડપથી જવાનું થાય ત્યારે કાંટા વગેરે ન વાગે તે માટે અથવા જેના પગ કોમળ હોય તે પગમાં તલિકા પહેરે છે. (2) ખલક - પગનું રક્ષણ કરનારા જોડા (બુટ જેવા). જેના પગ વિચર્ચિકા વાયુથી ફાટી ગયા હોય (ચીરા પડી ગયા હોય) તેને રસ્તામાં ચાલતા ઘાસ વગેરેથી પીડા થાય. તે અથવા જેના પગ કોમળ હોય તેને પાનીમાં ચીરા પડી જાય તેની રક્ષા માટે તે પગમાં ખલ્લક પહેરે છે. (3) વર્ધા - ચામડાના દોરા. તે તૂટેલા જોડા સાંધવા માટે વપરાય છે. (4) કોશક - ચામડાનું વિશેષ પ્રકારનું ઉપકરણ. જેના પગના નખો પથ્થર વગેરેની સાથે અથડાઈને ભાગી ગયા હોય તેઓ આંગળીઓ કે અંગુઠાને કોશકમાં નાંખે છે. અથવા કોશક એટલે નખ કાપવાનું સાધન (નેકટર) રાખવા માટેનું ઉપકરણ.
