________________ 234 12 પ્રકારની સાધુની પ્રતિમા ગર્ભવતી-બાળકવાળી-સ્તનપાન કરાવતી સ્ત્રીઓએ વહોરાવેલ ન હોય તેવું, એક પગ ઉંબરાની અંદર રાખીને અને બીજો પગ બહાર રાખીને આપેલું ભોજન પ્રતિમાધારી ગ્રહણ કરે. (4) જ્યાં સૂર્ય અસ્ત થાય ત્યાંથી સૂર્યોદય સુધી એક ડગલુ પણ ન ચાલે. (5) જે ગામ વગેરેમાં ખબર પડે કે આ પ્રતિમાધારી છે. ત્યાં એક અહોરાત્ર રહે, વધુ નહીં. જે ગામ વગેરેમાં ખબર ન હોય કે “આ પ્રતિમાધારી છે. ત્યાં એક કે બે અહોરાત્ર રહે, વધુ નહીં. (6) હાથી, સિંહ, વાઘ વગેરેના ભયથી એક ડગલુ પણ ઘાસ વગેરે પર ન ચાલે, પણ માર્ગ ઉપર જ ચાલે. (7) તડકામાંથી છાયામાં ન જાય, છાયામાંથી તડકામાં ન જાય. (8) સંથારો - ઉપાશ્રય વગેરે માંગવા માટે, શંકાવાળા સૂત્રાર્થ પૂછવા માટે, ઘર વગેરે પૂછવા માટે, ઘાસ-લાકડા વગેરેની અનુમતિ માગવા માટે, પૂછાયેલા સૂત્ર વગેરેને એકવાર કે બે વાર કહેવા માટે પ્રતિમાધારી બોલે, તે સિવાય ન બોલે. (9) આગંતુક માટેનું ઘર (જ્યાં કાપડીયા વગેરે આવીને રહેતા હોય તેવું મુસાફરખાનુ), ખુલ્લુ (દિવાલ અને છત વિનાનું) ઘર કે ઝાડની નીચે - આ ત્રણ વસતિમાં તે રહે, બીજે નહીં. (10) આગ લાગે તો પણ ઉપાશ્રયમાંથી નીકળે નહીં, કોઈ હાથ પકડીને કાઢે તો નીકળે પણ ખરા. (11) પગમાં પેસેલ ફાંસ, કાંટા, કાંકરા વગેરે કાઢે નહીં, આંખમાં ગયેલ ધૂળ, તણખલું વગેરે, આંખનો મેલ વગેરે કાઢે નહીં. (12) અચિત્ત પાણીથી પણ હાથ, પગ, મુખ વગેરે અંગોને ધુવે નહીં. (13) આમ એક મહિના સુધી પહેલી પ્રતિમાનું પાલન કરીને તે પાછા ગચ્છમાં આવે. ત્યારે રાજા વગેરે લોકો અને શ્રમણ સંઘ તપના
