________________ 17 પ્રકારની વૈયાવચ્ચ 203 કાળી ભૂમિવાળા પ્રદેશમાંથી સફેદ ભૂમિવાળા પ્રદેશમાં જતા ગૃહસ્થ વગેરે ન જોતા હોય તો સચિત્ત-અચિત્ત-મિશ્ર રજવાળા પગ રજોહરણથી પ્રમાર્જવા, ગૃહસ્થો વગેરે જોતા હોય તો ન પ્રમાર્જવા. (14) પરિષ્ઠાપનાસંયમ - જીવયુક્ત, દોષિત, અનુપયોગી એવા અન્ન, પાણી, વસ્ત્ર, પાત્રા વગેરે જંતુરહિત સ્થાનમાં વિધિપૂર્વક પરઠવવા. (15) મનસંયમ - મનને દ્રોહ, ઈર્ષા, અભિમાન વગેરેથી અટકાવવું અને ધર્મધ્યાન વગેરેમાં પ્રવૃત્ત કરવું. (16) વચનસંયમ - હિંસક, કઠોર વગેરે વાણીથી અટકવું અને સારી ભાષામાં પ્રવૃત્તિ કરવી. (17) કાયસંયમ - અવશ્ય કરવા યોગ્ય ગમન, આગમન વગેરેમાં ઉપયોગપૂર્વક કાયાની પ્રવૃત્તિ કરવી. (4) 10 પ્રકારની વૈયાવચ્ચ - આચાર્ય વગેરેના કાર્યમાં મગ્ન થવું તે વૈયાવચ્ચ. (i) આચાર્ય - પંચાચાર પાળે-પળાવે તે. (i) ઉપાધ્યાય - જેમની પાસે જઈને શિષ્યો ભણે તે. (i) તપસ્વી - તપ કરે તે. (iv) શૈક્ષક - નૂતન દીક્ષિત. (V) ગ્લાન - તાવ વગેરે રોગવાળા. (vi) સાધુ - સ્થવિરો. (vii) મનોજ્ઞ - સમાન સામાચારીવાળા. (viii) સંઘ - સાધુ, સાધ્વી, શ્રાવક, શ્રાવિકાનો સમુદાય. (ii) કુલ - સમાન જાતિવાળા ઘણા ગચ્છોનો સમૂહ. દા.ત. ચાંદ્રકુળ વગેરે. (8) ગણ - ઘણા કુળોનો સમુદાય. દા.ત. કોટિક ગણ વગેરે.
