________________ 184 દ્વાર ૬૨મું - સાધ્વીઓના ઉપકરણો દ્વાર ૬૨મું - સાધ્વીઓના ઉપકરણો પૂર્વે સ્થવિરકલ્પીના જે 14 ઉપકરણો કહ્યા છે તેમાંથી ચોલપટ્ટા સિવાયના 13 ઉપકરણો સાધ્વીઓને પણ હોય છે. સાધ્વીઓને નીચે કહેલા ઉપકરણો વધુ હોય છે - (14) કમઢક - તે લેપાયેલા તુંબડાનું ભાજન છે. તે કાંસાના મોટા વાટકાના આકારનું હોય છે. તેનું પ્રમાણ સાધ્વીના પેટ પ્રમાણેનું હોય છે. સાધ્વીઓની માંડલીમાં પાગુ ફરતું નથી. એક સાધ્વીનું પાત્રુ બીજી સાધ્વીને ઉપયોગમાં નથી આવતું, કેમકે તેમનો સ્વભાવ તુચ્છ હોય છે. સાધ્વીઓ કમઢકમાં જ વાપરે છે. (15) અવગ્રહાનંતક - યોનિદ્વારને ઢાંકનારું વસ્ત્ર. તે નાવડી જેવું, વચ્ચેથી પહોળું અને બન્ને છેડે પાતળું હોય છે. તે બ્રહ્મચર્યની રક્ષા માટે અને ઋતુસમયના બીજમાતના રક્ષણ માટે વપરાય છે. તેની સંખ્યા 1 હોય છે. તે ઘટ્ટ વસ્ત્રનું અને કોમળ હોય છે. તેનું પ્રમાણ શરીર પ્રમાણેનું હોય છે. (16) પટ્ટ - તે 1 હોય છે. તેને અંતે બીટક બંધ (બટન) હોય છે. તે 4 અંગુલ પહોળો અને કેડ જેટલો લાંબો હોય છે. તે અવગ્રહાનંતકના આગળના અને પાછળના છેડાઓને ઢાંકીને વાધર (ચામડાની દોરી)ની જેમ કેડે બંધાય છે. તે બાંધ્યા પછી મલ્લના કછોટા જેવું લાગે છે. (17) અધ્ધરુક - તે અવગ્રહાનંતક અને પટ્ટને ઢાંકીને કેડના ભાગને ઢાંકે છે. તે બન્ને સાથળની વચ્ચે અને બન્ને સાથળ ઉપર દોરીથી બંધાયેલ હોય છે. તે મલ્લની ચડ્ડી જેવું હોય છે. (18) ચલનકા - તે ઘુંટણ સુધીનું, સીવ્યા વિનાનું, દોરીથી બંધાયેલું અને વાંસ પર નાચતી નર્તકીના વસ્ત્ર જેવું હોય છે. (19) અંતર્નિવસની - તે કેડથી અડધી જંઘા સુધીની હોય છે.
