________________ ૧૫ર. દ્વાર ૩૮મું - જિનાલયમાં વર્જવાની 84 આશાતનાઓ (75) પગ વગેરેમાં લાગેલી ધૂળને ખંખેરવી. (76) મૈથુન સેવવું. (77) માથા વગેરેમાં જૂ જોવી કે માથા વગેરેમાંથી જૂ કાઢીને નાંખવી. (78) ભોજન કરવું. (79) લિંગને ખુલ્લું કરવું. (પાઠાંતરે દષ્ટિયુદ્ધ, મુષ્ટિયુદ્ધ, બાહુયુદ્ધ વગેરે યુદ્ધો કરવા.) (80) વૈદ્યક કરવું. (81) વંચવા-ખરીદવારૂપ વેપાર કરવો. (82) શય્યા કરીને સૂવું. (83) પીવા માટેનું પાણી મૂકવું કે પીવું. (84) સ્નાન કરવું. આ આશાતનાઓ ભવભ્રમણનું કારણ છે. તેથી સ્નાન ન કરતા હોવાથી મેલથી મલિન શરીરવાળા સાધુઓએ જિનાલયમાં ‘સિદ્ધાણં બુદ્ધાણં' બોલાય ત્યાંસુધી જ રહેવું, ધર્મ સાંભળવા આવેલ ભવ્ય લોકો પર ઉપકાર કરવો વગેરે કારણ હોય તો ચૈત્યવંદન પછી પણ સાધુઓ જિનાલયમાં રહી શકે, બાકીના સમયમાં કારણ વિના નહીં. શરીરને સ્નાન કરાવવા છતાં પણ તેમાંથી દુર્ગધી મેલ અને પસીનો નીકળે છે, ઓડકાર નીકળે છે, શ્વાસોચ્છવાસ નીકળે છે, વાછૂટ થાય છે. તેથી સાધુઓ જિનાલયમાં વધુ રહેતા નથી. આમ સાધુઓ પણ જિનાલયની આશાતનાઓને વર્જે છે, તો ગૃહસ્થોએ અવશ્ય એ વર્જવી જોઈએ. + પડેલી વસ્તુ બીજાની છે એમ જાણીને ન લેવી.
