________________ તપના 12 અતિચાર 93 (1) પ્રાયશ્ચિત્ત - મૂળગુણ અને ઉત્તરગુણના અતિચારો જનિત કર્મરૂપી મેલથી મલિન જીવને જે નિર્મળ કરે તે પ્રાયશ્ચિત્ત. તેના 10 પ્રકાર છે. તે આ પ્રમાણે - (1) આલોચન (6) તપ (2) પ્રતિક્રમણ (7) છેદ (3) મિશ્ર (8) મૂલ (4) વિવેક (9) અનવસ્થાપ્ય (5) વ્યુત્સર્ગ (10) પારાંચિત. આ 10 પ્રકારના પ્રાયશ્ચિત્તનું સ્વરૂપ ૯૮મા દ્વારમાં કહેવાશે. (2) વિનય - જેનાથી આઠ પ્રકારના કર્મ ખપે તે વિનય. તેના 7 પ્રકાર છે. તે આ પ્રમાણે - (1) જ્ઞાનવિનય - તે 5 પ્રકારનો છે - મતિજ્ઞાન વગેરે 5 જ્ઞાનોની (1) શ્રદ્ધા કરવી. (2) ભક્તિ કરવી. (3) બહુમાન કરવું. (4) તેમાં કહેલ પદાર્થોની સારી રીતે ભાવના કરવી (આત્મસાત કરવા). (5) વિધિપૂર્વક ગ્રહણ કરીને અભ્યાસ કરવો. (2) દર્શનવિનય - તેના 2 પ્રકાર છે - (1) શુશ્રુષણા વિનય - તે દર્શનગુણથી અધિકનો કરાય છે. તેના 10 પ્રકાર છે - (1) સત્કાર કરવો - સ્તવન, વંદન વગેરે.
