________________ તપના 12 અતિચાર 91 મધ્યમ - 14-15 કોળિયા (4) પ્રાપ્ત ઊણોદરી - 17 કોળિયાથી 24 કોળિયા સુધી ખાવું જઘન્ય - 17 કોળિયા. ઉત્કૃષ્ટ - 24 કોળિયા. મધ્યમ - 18 થી 23 કોળિયા (5) કિંચિત્ ઊણોદરી - 25 કોળિયાથી 31 કોળિયા સુધી ખાવું જઘન્ય - 25 કોળિયા ઉત્કૃષ્ટ - 31 કોળિયા મધ્યમ - 26 થી 30 કોળિયા આ પ્રમાણે પાણીમાં પણ સમજવું. સ્ત્રીઓ માટે પણ પુરુષોની જેમ સમજવું. (2) ભાવ ઊણોદરી - ક્રોધ વગેરેનો ત્યાગ કરવો તે. (3) વૃત્તિસંક્ષેપ - દ્રવ્ય-ક્ષેત્ર-કાળ-ભાવથી ગોચરીના અભિગ્રહ લેવા. તે આ પ્રમાણે - (1) દ્રવ્ય અભિગ્રહ - 1, 2, 3 વગેરે દ્રવ્યો જ લેવા, લેપકૃત દ્રવ્યો જ લેવા, ભાલાની અણી પર રહેલ ખાખરા વગેરે જ લેવા વગેરે. (2) ક્ષેત્ર અભિગ્રહ - 1, 2, 3 વગેરે ઘરોમાંથી જ લેવું, પોતાના ગામમાંથી કે બીજા ગામમાંથી જ લેવું, પેટા-અર્ધપેટા વગેરે ગોચરીભૂમિથી જ લેવું, દાતાનો એક પગ ડેલીની બહાર હોય અને એક પગ ડેલીની અંદર હોય તો જ લેવું વગેરે. ગોચરભૂમિ 8 છે - ઋજુ, ગતાપ્રત્યાગતિ, ગોમૂત્રિકા, પતંગવીથિ, પેટા, અર્ધપેટા, અત્યંતરસંબૂક, બાહ્યગંધૂકા.
