________________ તૃતીય ધ્રુવશૂન્ય વર્ગણા, સૂક્ષ્મનિગોદ વણા (23) તૃતીય ધ્રુવશૂન્ય વર્ગણા : ઉત્કૃષ્ટ બાદર નિગોદ વર્ગણાના દરેક સ્કંધમાં રહેલા પરમાણુમાં 1 પરમાણુ ઉમેરતા જે આવે તેટલા પરમાણુવાળા સ્કંધોની જઘન્ય તૃતીય ધ્રુવશૂન્ય વર્ગણા છે. ત્યાર પછી ઉત્કૃષ્ટ તૃતીય ધ્રુવશૂન્ય વર્ગણા સુધી એકોત્તરવૃદ્ધિવાળા પરમાણુવાળા સ્કંધોની વર્ગણાઓ છે. જઘન્ય તૃતીય ધ્રુવશૂન્ય વર્ગણાના દરેક સ્કંધમાં રહેલા પરમાણુને અસંખ્યથી ગુણતા જે આવે તેટલા પરમાણુવાળા સ્કંધોની ઉત્કૃષ્ટ તૃતીય ધ્રુવશૂન્ય વર્ગણા છે. અહીં ગુણકાર અસંખ્ય એ અંગુલપ્રમાણ ક્ષેત્રના આકાશપ્રદેશોના આવલિકાના અસંખ્યાતમા ભાગમાં રહેલા સમય જેટલા વર્ગમૂળ કરી ચરમ વર્ગમૂળના અસંખ્યાતમા ભાગમાં રહેલા આકાશપ્રદેશ પ્રમાણ છે. આ વર્ગણાઓ લોકમાં ક્યારેય હોતી નથી. તેથી શૂન્ય છે. પૂર્વે કહેલી પ્રથમ અને દ્વિતીય ધ્રુવશૂન્ય વર્ગણાઓની અપેક્ષાએ અને આગળ આવનારી ચતુર્થ ધ્રુવશૂન્ય વર્ગણાની અપેક્ષાએ આ તૃતીય છે. (24) સૂક્ષ્મનિગોદ વર્ગણા: ઉત્કૃષ્ટ તૃતીય ધ્રુવશૂન્ય વર્ગણાના દરેક સ્કંધમાં રહેલ પરમાણુમાં 1 પરમાણુ ઉમેરતા જે આવે તેટલા પરમાણુવાળા સ્કંધોની જઘન્ય સૂક્ષ્મનિગોદ વર્ગણા છે. ત્યાર પછી ઉત્કૃષ્ટ સૂક્ષ્મનિગોદ વર્ગણા સુધી એકોત્તરવૃદ્ધિવાળા પરમાણુવાળા સ્કંધોની વર્ગણાઓ છે. જઘન્ય સૂક્ષ્મનિગોદ વર્ગણાના દરેક સ્કંધમાં રહેલા પરમાણુને આવલિકાના અસંખ્યાતમા ભાગમાં રહેલા સમયથી ગુણતા જે આવે તેટલા પરમાણુવાળા સ્કંધોની ઉત્કૃષ્ટ સૂક્ષ્મનિગોદ વર્ગણા છે. સૂક્ષ્મનિગોદના જીવોના સત્તામાં રહેલા ઔદારિક શરીર નામકર્મ, તેજસ શરીર નામકર્મ અને કાશ્મણ શરીર નામકર્મના દરેક પ્રદેશ ઉપર વિગ્નસા પરિણામથી સર્વ જીવ કરતા અનંતગુણ પુગલો રહેલા છે. તે સૂક્ષ્મનિગોદ વર્ગણા છે.
