Gyansara Part 02

SR No.: 032777
Original Sutra Author: N/A
Author: Vijayravishekharsuri
Publisher: Sacchidanand Gyanvardhak Trust
Publication Year: 2016
Total Pages: 250
Language: Gujarati
Classification: Book_Gujarati
File Size: 19 MB

Page 4

0 વિશેષતા 0 ન્યાયવિશારદ શ્રી યશોવિજય મહારાજશ્રીએ આગમોમાં ડૂબકી મારીને જે આગમોના રહસ્યો પ્રાપ્ત કરેલા અને યોગીશ્રી આનંદઘનજી મહારાજશ્રીના સમાગમ પછી ખુલેલી દિશાઓથી અનુભવ રસનું પાન કરી તેનો નિચોડ સ્વરૂપે 'જ્ઞાનસાર' ગ્રંથ રચેલો. આ ગ્રંથના થયેલા અનેક અનુવાદો, ટીકાઓ વિ.નો ગહન અભ્યાસ કરી, એનેક ગ્રંથોના ભાવાનુવાદ કરનારા અધ્યાત્મયોગી આચાર્ય દેવ શ્રીમવિજય રાજશેખરસૂરિજી મહારાજશ્રીના વિનેય આચાર્યદેવ શ્રીમવિજય રવિશેખરસૂરિજી મહારાજશ્રીએ આ 'જ્ઞાનસાર' ગ્રંથના પ્રથમ ચાર અષ્ટકો'પૂર્ણતા', 'મગ્નતા', 'સ્થિરતા' અને 'મોહત્યાગ' ઉપરના સારને સમાવતું પુસ્તક 'જ્ઞાનસાર' ભાગ-૧ તૈયાર કરેલું જેનું વિમોચન સંવત ૨૦૭રના માગસર સુદ-રના દિવસે રાજકોટ મુકામે શ્રી રૈયા રોડ જૈન શ્વેતાંબર મૂર્તિપૂજક તપાગચ્છ સંઘના આંગણે વર્ધમાન તપોનિધિ આચાર્ય દાદાગુરુદેવશ્રી લલિતશેખરસૂરિજી મહારાજ સાહેબની નિશ્રામાં યોજાયેલ ભવ્ય વિનય ઉપધાન તપની મોક્ષમાળાના પ્રસંગે શ્રી ચતુર્વિધ સંઘની સમક્ષ થયું તે વખતે ઉત્સાહના અનેરા દશ્યો નજરે પડ્યાં હતા. પુસ્તકના પ્રથમ ભાગમાં પૂજ્યશ્રીએ પ્રથમ ચાર અષ્ટકના સારને પ્રસ્તુત કરેલો પરંતુ જિજ્ઞાસુ આત્માઓને તમામ અષ્ટકોનો સાર ઝડપથી મળી રહે તે માટે તેઓ સતત પ્રયત્નશીલ હતા અને પ્રથમ ભાગના વિમોચન બાદ આશરે બે માસના ટૂંકા ગાળામાં પૂજ્યશ્રીએ તેઓશ્રીના સતત ઉગ્ર વિહાર વચ્ચે મુળ ગ્રંથ અને ટીકાના આધારે અન્ય ત્રણ અષ્ટકોનો સાર તૈયાર કરી લીધો અને સર્વેની શુભેચ્છા અને સહકારની લાગણીથી આ પુસ્તકના બીજા ભાગમાં પાંચ, છ અને સાતમાં અષ્ટકના સારને સમાવવામાં આવેલ છે જેના અભ્યાસથી સાચા આત્માર્થી જીવની દ્રષ્ટિ બદલાયા વિના નહીં રહે. આ પ્રિન્ટીંગની કાર્યવાહીમાં અમીન આઝાદ કોમ્યુટર ટાઈપ સેટીંગવાળાનો તેમજ આ સુંદર લખાણને સરસ રીતે ખૂબજ ટૂંકાગાળામાં પ્રિન્ટીંગ કરનાર શ્રી રીતેષભાઈનવપ્રભાત પ્રિન્ટીંગ પ્રેસવાળાનો પણ આ તકે અમો આભાર માનીએ છીએ. જિનાજ્ઞા વિપરીત કે પૂજ્ય ગ્રંથકારના આશયથી વિપરીત નિરૂપણ ક્યાંય પણ થયું હોય તો હાર્દિક ' મિચ્છામિ દુક્કડ'. પ્રકાશક: શ્રી ઝાલાવાડ જૈન શ્વેતાંબર મૂર્તિપૂજક તપગચ્છ સંઘ ટ્રસ્ટ જ્ઞાનસાર-૨ // 3