________________ આ રીતે પટ્ટાવલીના કેટલાક પ્રસંગો - પૂર્વાચાર્યોની માહિતીની વિગતોથી જૈન પરંપરાનો ઇતિહાસ ભવ્ય અને ઉજ્જવલ છે તેનો ખ્યાલ આવે છે. હવે પટ્ટાવલીની રચનાની અન્ય માહિતી નીચે મુજબ છે. શાસન પ્રભાવક આચાર્ય ભગવંતોનાં જન્મ સ્થળ, સૂરિપદ પ્રાપ્તિ, વિહાર સ્થાન, અંજન શલાકા પ્રતિષ્ઠા મહોત્સવ, ધર્મની આરાધના અને તેના પ્રભાવથી સર્જાતા ચમત્કારો, ગ્રંથ રચનાઓ, ગુરૂ ભગવંતના અભ્યાસની માહિતી, ગુરૂભક્તિની અસાધારણ ને અનન્ય અભિવ્યક્તિ, સ્તોત્ર રચનાનો ઉદ્ભવ, સીધો ધર્મોપદેશ અને જિનવાણી જેવી વૈવિધ્યપૂર્ણ માહિતી દેશી ઢાળમાં ગૂંથી લીધી છે. તદુપરાંત ભગવાન મહાવીરના 72 વર્ષના આયુષ્યની સ્પષ્ટતા, વસ્તુપાળ તેજપાલ વૃત્તાંત, વિશાદશા ઉત્પત્તિ, ચોરાસી જ્ઞાતિ, રોહિણી વૃત્તાંત, જ્ઞાન પંચમીનો મહિમા જેવી ઐતિહાસિક વિગતો પૂરી પાડી છે. આ પટ્ટાવલીમાં વજસ્વામી, દેવર્ધિગણી, માનતુંગસૂરિ, હરિભદ્રસૂરિ, હેમચંદ્રસૂરિ અને કુમારપાલ, મહાતપસ્વી જગતચંદ્રસૂરિ, હીરસૂરિશ્વરજી, વિજયસેનસૂરી અને વિજય લક્ષ્મસૂરિ આદિનું વૃત્તાંત વિસ્તારથી દર્શાવ્યું છે. આ કવિની રચનાઓમાં હિન્દી ભાષાનો વિશેષ પ્રભાવ છે. દા.ત. “ફિરકો આબુ ગઢકો રાજ, પાયો બહોતી સામ્રાજય, કીનો પાપકો સંભાર, કીનો દુષ્ટક આચાર, કેતી કહું દુઃખ કી વાત, સુનિઈ જગ કે પિતા માત તુમ હો જગત કે તારુકુ કહિઈ સંગકો ધરૂ કું.” (5) 1
