________________ મળ્યું કે ચંપા શ્રાવિકાએ ઉપવાસ કર્યા છે. ચંપા શ્રાવિકાએ દેવગુરૂ અને ધર્મના પસાયથી ઉપવાસ કર્યા છે. મારા ગુરૂ હીરવિજયસૂરિ છે. રાજાના હુકમથી હીરસૂરિ મહારાજ વિહાર કરીને આગરા પધાર્યા. રાજાએ ગુરૂની પરીક્ષા કરવા માટે ગુરૂની બેસવાની જગા નીચે ખાડો કરાવીને બકરી પૂરી દીધી. અને તે જગા પર ગુરૂને બેસવા કહ્યું ત્યારે ગુરૂએ પોતાના જ્ઞાનથી આ જગા સાધુ તરીકે બેસવા યોગ્ય નથી. અને તેની નીચે ત્રણ પંચેન્દ્રિય જીવ છે. છેવટે ભોંયરું ખોલતાં બકરી અને તેના બે બચ્ચાં મળી આવ્યાં. આ પ્રસંગ સંવત 1639 જેઠ વદ ૧૩ના રોજ બન્યો હતો. હીરસૂરિ મહારાજે અકબર બાદશાહને બે કલાક સુધી ધર્મોપદેશ આપ્યો, તેમાં અહિંસા પરમો ધર્મનું સ્વરૂપ સમજાવ્યું. એમના શિષ્ય શાંતિચંદ્રસૂરિ રોજ બાદશાહને ઉપદેશ આપતા હતા. ત્યારે રાજાએ કહ્યું કે હે ગુરૂ મહારાજ કોઈ ચમત્કાર દેખાડો. ગુરૂએ રાજાને કહ્યું કે કાલે સવારે તમારા બાગમાં આવજો. રાજા ગુરૂ સાથે ધર્મ ચર્ચા કરતા હતા ત્યારે એકદમ શાહી નોબત વાગી. ગુરૂએ જણાવ્યું કે તમારા પિતા હુમાયું તમને મળવા માટે આવે છે. કવિએ આ પ્રસંગનું વર્ણન અભૂત રસમાં કર્યું છે. ગુરૂએ વરૂણદેવની દૈવી સહાયથી સાત દિવસ સુધી સાત પેઢીના વંશજો દેખાડયા. રાજા વિચારવા લાગ્યા કે “શ્રી અકબર મન રાજીઓ, ધન્ય હીરસૂરિ ગુરૂરાય” રાજાએ ગુરૂને કહ્યું કે હું તમારા ધર્મના આચારથી અત્યંત પ્રસન્ન થયો છું. તમે વરદાન માગો, હું આપવા તત્પર છું. હરસૂરિ મહારાજે વરદાન માંગ્યાં રાજાએ એમને “જગતગુરૂ” નું બિરૂદ આપ્યું. આ . f
