________________ રાખ્યો પણ ભાગ્ય યોગે કોટિધ્વજ દ્રવ્ય થયું એટલે સિદ્ધાચલનો સંઘ કાઢીને સુકૃતમાં દ્રવ્ય વ્યય કર્યો. તેને 56 ઘડી સુવર્ણ ખર્ચાને ઈન્દ્રમાળ પહેરી, 32 વર્ષ સુધી બ્રહ્મચર્ય વ્રતનું અખંડ પાલન કરીને દેવલોકમાં સિધાવ્યા. પૃથ્વી પરના પુત્ર ઝાંઝણ શાહે સિધ્ધાચલમાં સુવર્ણનો ધજાદંડ આરોપણ કર્યો. ગચ્છાધિપતિ ધર્મઘોષસૂરિના પાંચમા આચાર્ય સોમપ્રભસૂરિએ આચાર્યનો વધ કરવા આવેલા અનુચરે મધ્યરાત્રિના સમયે ગુરૂ રજોહરણથી ભૂમિ શુદ્ધિ કરીને પડખું ફેરવે છે તે નિહાળીને પોતાના મુનિ હત્યા કરવાના અધમ વિચારનો ત્યાગ કરીને ગુરૂના ચરણોમાં મસ્તક નમાવી પોતાની જાતને ધિક્કારતો પશ્ચાતાપ કરવા લાગ્યો અને ધર્મોપદેશ સંભળાવવાની ગુરૂને વિનંતી કરી. જૈન ધર્મના ઉપદેશમાં કર્મવાદ પ્રધાન છે. અહીં કવિએ તેનું નિરૂપણ કરતાં જણાવ્યું છે કે - “સંકલ જીવ વશ કર્મને કુણ રાજા કુણ રાંક, અમ મન સરીખા દોય છે, શત્રુ મિત્ર અભિરામ. 28 કવિ અહીં જૈન ધર્મના મુનિની હત્યા સંબંધી પ્રાચીન દગંતનો ઉલ્લેખ કરીને મુનિહત્યાના મહાન પાપમાંથી બચવા માટે જણાવ્યું છે. વિશેષમાં મુનિભગવંત જીવદયાના પ્રતિપાલક છે. તેનો ઉલ્લેખ કરતાં કવિ જણાવે છે કે - “નંદિષેણ મહાબલમુનિ, અવંતી ગજસુકુમાલ છે એલાચી, આદ્રકુમારજી, જીવદયા પ્રતિપાલ. કવિએ ૪રમી ઢાળમાં મુનિસુંદરસૂરિએ સંતિકર સ્તોત્રની રચના કરી તેનો ઉલ્લેખ કર્યો છે.
