________________ આત્મનિરીક્ષણ કરવા પોતાના આત્માની શુદ્ધિ માટે પશ્ચાતાપની પુનિત ગંગા વહેતી પંક્તિઓ રચી છે. પા. 109 કડી 9 થી 15 કવિ આત્માભિમુખ બનીને એમ જણાવે છે કે રાજા મહારાજાઓનાં પરાક્રમની પ્રશંસા કરી પણ પોતાના આત્માના દોષ નિવારણ માટે સોહમ પટ્ટાવલી રચીને સૂરિ પરંપરાની ગુણ ગાઈને જીભ પવિત્ર કરી છે. ' કવિ વિનમ્ર ભાવથી આ સંઘની સાક્ષીએ ઉત્સુત્ર પ્રરૂપણાની માફી માગે છે. કડી 16 પા. 110 - સોહમકુળ રત પટ્ટાવલી રાસ એવું નામાભિધાન પણ જણાવે છે. ગ્રંથ રચનાનો સમય સં. ૧૮૭૭નો છે. તેનો ઉલ્લેખ નીચેની પંક્તિોઓમાં મળી આવે છે. કડી 20 વિશ્વના સર્વ ધર્મોમાં જ્ઞાનના પ્રકાશનો સ્વીકાર કરવામાં આવ્યો છે. અગાનતાનો અભિશાપ દૂર થતાં જ્ઞાનચક્ષુથી સર્વવસ્તુ જોઈને સમજી શકાય છે. જૈન ધર્મમાં જ્ઞાનાવરણીય કર્મના ક્ષયથી જ્ઞાન પ્રાપ્તિ થાય છે. પાંચ જ્ઞાનમાં કેવળજ્ઞાન સર્વોચ્ચ કક્ષાનું છે જેના પ્રતાપથી સમગ્ર વિશ્વના જડ અને ચેતન પદાર્થના દ્રવ્ય ગુણ ને પર્યાય જાણવાની અભૂતપૂર્વ શક્તિ પ્રાપ્ત થાય છે. કવિએ ગુરૂ જ્ઞાનદાતા છે એ વાત સ્વીકારીને ગુરૂ મહિમાની સાથે જ્ઞાનનો મહિમા દર્શાવતી માહિતી ઢાળ 27 થી ૩૧માં આપી છે. જ્ઞાનનો મહિમા દર્શાવતાં કવિ કહે છે કે - કામધેનુ ને કલ્પતરુ પણ, નહીં કોઈ તારણ રૂપ રે, તારણરૂપ જ્ઞાન છે જગમાં, જાણે જ્ઞાની સહુ રૂપ રે.” 24 65
