________________ પટ્ટાવલી માત્ર ગુરુ પરંપરાનું જ આલેખન કરતી રચના નથી. તેમાં પૂર્વાચાર્યો અને એમના પ્રભાવનું વર્ણન દ્વારા જિન શાસનનો જય જયકાર દર્શાવી સાંસ્કૃતિક અને ધાર્મિક સિદ્ધિઓને બિરદાવમાં આવી છે. વડગચ્છ, બહુગચ્છભેદ, કટુપરા વીજામતિ, કડુઆમતી પાર્જચંદ્રસૂરિ, લુંકાગચ્છ, રાજવિજ્યસૂરિ ગચ્છ, દેવસૂરિ અને વિજ્યાનંદસૂરિ ગચ્છ, સાગર ગચ્છ, લહુડી પોસાલ વગેરે ગચ્છની માહિતી છે. આમ નૃપતિ, વિમલમંત્રી, કુમારપાલ પૂરવભવ, વસ્તુપાલતેજપાલ સંબંધ, પૃથ્વીધર, ઝાંઝણશા, અકબર શાહ પૂરવભવ, પાલનપુર પલ્લવીયા પાસ ઉત્પત્તિ જેવા મહાન શ્રાવકોનું વૃતાંત છે. વણિક ચોરાસી જ્ઞાતિ, વીશા - દશા ઉત્પત્તિની માહિતી પણ વિગતવાર દર્શાવી છે. પંચમીજ્ઞાન વર્ણન, રોહિણી ચરિત્ર, કલ્યાણમંદિર, સંતિકર, ભક્તામર અને લઘુશાંતિ સૂત્રોના ઉદ્ભવનો પણ પટ્ટાવલીમાં સમાવેશ થયેલો છે. ટૂંકમાં પટ્ટાવલી વિવિધ વિષયોને સ્પર્શતી ઐતિહાસિક મૂલ્ય ધરાવતી નમૂનેદાર રચના છે. સમીક્ષાત્મક નોંધ આ રાસમાં દુહા, ઢાળ અને છપ્પયનો પ્રયોગ કરવામાં આવ્યો છે. ઈષ્ટદેવ શ્રી મહાવીર સ્વામીની સ્તુતિ મંગલાચરણમાં કરી છે. જે મધ્યકાલીન રાસ પરંપરાનું અનુસરણ કરે છે. “સ્વસ્તિ શ્રી ત્રિશલાસુન, વરધમાન જિનરાય મહાવીર વળી વીરજી, તીર્થકર સામ્રાજ” 15
