________________ લાવે લલાટે કીધો છે કુમકુમ ચાંદલો જનની જુમાને આંજે અણિયાળી બેઉ આંખડી સાવ સોનાનું જડિત મણિમય પારણું ઝૂલો ઝણણણ બોલે ઘૂઘરીનો ઘમકાર ઘમઘમ ઘૂઘરડો વજાડે નંદકિશોર નેતિ નેતિ કરે છે જિગમ વારંવાર - બાળ કૃષ્ણના લલાટે કુમકુમ તિલક જાણે કે મરકત મણિ જડ્યો ન હોય તેમ લાગે છે. કવિની આ ઉન્મેલાથી લલાટ સૌન્દર્યનું પ્રત્યક્ષ દર્શન કરતાં હોઈએ તેવું લાગે છે. પારણું ઝૂલતું હોય, ઘૂઘરીયોનો ઘમકાર, કનૈયો જમવા માટે જતો હોય, નંદકિશોર ઘમઘમ ઘૂઘરો વગાડતો રૂમઝૂમ કરતો આવશે તે દ્રશ્ય કર્ણપ્રિય બની આંખને નિરખવા લલચાવે તેવું મોહક લાગે છે. કૃષ્ણના હાસ્ય વિશે કવિ જણાવે છે કે ઉપર-નીચેના દાંતની હારમાળા બે હીરાકણી સમાન લાગે છે. એનો વેશ જોઈને મદન પણ શરમાઈ જાય છે. અહીં “ચરણ અંગૂઠો ધાવે હરિ, બે હાથ ગ્રહી આ સ્વભાવોક્તિ દ્વારા બાળ ક્રીડાનો ઉલ્લેખ થયો છે. દયારામના હાલરડાની રચના ભવ્ય ને આકર્ષક રીતે થયેલી છે. તેમાં કવિત્વના અંશો કલાત્મક રીતે વણાયેલા છે. કવિની અભિવ્યક્તિના સુંદર નમૂના રૂપે હાલરડું ભક્ત જનોની મોંઘેરી મૂડી સમાન છે. જેનું સમૂહમાં ગાન કરવાથી ભક્તિની રમઝટ જામે છે.
