________________ મોટા થાજો, ભણવા જાજો, આશીષ દેઈ હસતી, પરણાવીશ હું નવલી નારી, જોબનવંતી તુજને, માતાપિતાના કોડ પૂરજે, હોંશ હૈયે છે મુજને. માતા પુત્ર માટે માત્ર લૌકિક આશા આકાંક્ષાઓ નથી રાખતી પણ જિન શાસનમાં તું દીપક સમાન છે. કર્મને કાપી ધર્મને સ્થાપજે. ધર્મ દેશના આપીને જગતના પ્રાણીઓનો ઉધ્ધાર કરજે એવી આધ્યાત્મિક કલ્યાણની ભાવના પણ વ્યક્ત કરે છે. અને છેલ્લે કવિ જણાવે છે કે - “આત્મ સાધના સાધી વરજે, વિજય શિવ પટરાણી.” સાત કડીના આ હાલરડામાં માતૃ વાત્સલ્યને પારણાની સંક્ષિપ્ત માહિતીની સાથે માતાના ઉરના અરમાનને કવિએ મધુર લયાન્વિત પદાવલીમાં વ્યક્ત કર્યો છે. આ પારણું ભક્તિ ગીત તરીકે નોંધપાત્ર છે. શ્રી મહાવીર સ્વામીનું પારણું ત્રિશલા માતા પારણું ઝુલાવેથી શરૂ થતી પારણાની રચનાની વિશેષતા એ છે કે કવિએ સ્પષ્ટ રીતે હાલરડા દ્વારા બાળક - નિદ્રાધીન થાય એવો ભાવ વ્યક્ત કર્યો છે. અન્ય હાલરડામાં પારણું ઝુલાવાનો, પારણાની શોભાનો, માતૃ વાત્સલ્ય અને બાળક માટેની ભવિષ્યની અનેરી કલ્પનાઓ વ્યક્ત કરવામાં આવી છે. ત્રિશલામાતા પારણું ઝુલાવે, મહાવીર પોઢે રે, રેશમ દોરે માત હિંચોળે, મહાવીર પોઢે રે. માલા
