________________ રત્નજડિત પારણું રમકડાંની યાદી, હીર જડીત દોરી, મખમલની સેજ, ફૂલની માળા, છપ્પન દિકકુમારી પ્રભુને હુલાવે, માતાનું વાત્સલ્યભાવથી પુત્રને આલિંગન વગેરે વિગતો હાલરડામાં દર્શાવી છે. કવિની યમક રચનાથી હાલરડું ભાવવાહી ને આકર્ષક બન્યું ભાતભાતની ભારી ભમરીયા પૂતળી પારણે જડાવું, મોર ચકોર કોયલડી બાંધું, પારણે પોપટ પોઢાડું. બાળસહજ ક્રીડા કરવા માટે કવિની કલ્પનાનો નમૂનો જોઈએ તો - ગેડીદડો દેવતાઈ મહામૂલો, રમવાને રંગે લાવું. ભગવાનને રમવા માટે સામાન્ય ગેડીદડો ના ચાલે એ તો દેવતાઈ જોઈએ. સામાન્ય બાળક કરતાં ભગવાન તો સર્વોત્તમ એટલે આવી કલ્પના યથાર્થ લાગે છે. માતાના આશીર્વાદ દર્શાવતી કવિની પંક્તિ નોંધપાત્ર છે. " કુલ દીવો કુંવર ઘણું જીવો, દોય કર ચપટી બજાવે, રાજ્ય રમણી પ્રાપ્ત થઈ ત્યાગી ત્રિભુવન જગ ઉધારે કર્મ કંટક ભવરણ સંહરી, શીવસુંદરી વીર વરજો. માતાના આર્શીવાદનો આ નમૂનો અન્ય હાલરડાની સરખામણીમાં વધુ ઉચિત લાગે છે. વીરકુંવર તીર્થકર થવાના છે તે હકીક્તને આર્શીવાદમાંની પંક્તિઓમાં દર્શાવી છે. વીરવિજયના હાલરડાંની આ એક વિશેષતા છે. 36
