________________ જન્માભિષેક કરે વગેરેમાં સાંપ્રદાયિક સંદર્ભ છે. આ રીતે મહાવીર ભગવાનનું પારણું હાલરડામાં શાસ્ત્રીય પ્રણાલિકાની સાથે વ્યવહાર જીવનનો સંદર્ભ દર્શાવ્યો છે. ભગવાનના હાલરડામાં નિશાળે ભણવા જવું, લગ્ન કરવા જેવી વિગતો એમના જીવનની હોવાથી યથોચિત છે. ભોગાવળી કર્મને કારણે લગ્ન જીવન પણ હતું એટલે આવી કલ્પના કરી છે. નંદન નવલા મોટા થાશો ને પરણાવશું વરવહુ સરખી જોડી લાવશું રાજકુમાર સરખેસરખા વેવાઈ વેવાણોને પધરાવશું વર વહુ પોંખી લેશું જોઈ જોઈને દેદાર હાલો". (16) ત્રિશલા માતાનું પિયર અને સાસરું બને સમૃદ્ધ છે. મારી કૂક્ષીએ અણમોલ રત્નસમાન પુત્ર અવતર્યો છે. રાજ દરબારના આંગણામાં અમૃત ને દૂધનો મેઘ વરસ્યો છે. અને શાશ્વત સુખમુક્તિ આપનાર કલ્પવૃક્ષનું બીજ રોપાયું છે. માતૃ હૃદયની આવી પરમોચ્ચ ભાવનાનું સત્તરમી કડીમાં નિરૂપણ થયું છે. પીયર સાસર મહારા બેહુ પખનંદન ઉજળા મારી કૂખે આવ્યા તાત પનોતા નંદ મહારે આંગણ વઠયા અમૃત દૂધ મેહુલા હારે આંગણ ફલીઆ સુરતરૂ સુખના કંદ. હાલો.” 17 કવિએ પોતાનો નામોલ્લેખ કરીને મિતાક્ષરી શબ્દોમાં પારણું ગાનાર-સાંભળનારને પુત્રરત્નની પ્રાપ્તિ થશે એમ જણાવ્યું છે.. હાલરડાંની રચના બીલીમોરા નગરમાં થઈ છે તેનો પણ ઉલ્લેખ કરતાં જણાવે છે કે - 21
