________________ રચના કરી છે. કવિ દીપવિજયે સોહમકુળ કલ્પવૃક્ષ તપવિધિ-ગણધર દેવવંદનની રચના કરી છે. શ્રી કૈલાસસાગરસૂરિ જ્ઞાન મંદિરમાંથી હસ્તપ્રત પ્રાપ્ત થઈ છે. આ પ્રતના પ્રથમ વિભાગમાં સોહમકુળ કલ્પવૃક્ષ તપની વિધિ અને દુહાનો ઉલ્લેખ છે ત્યાર પછી બીજા વિભાગમાં 11 ગણધરના દેવવંદનની રચના છે. જ્ઞાનવિમલસૂરિએ ગણધર દેવવંદનની રચના કરી છે. જે દેવ વંદન માળામાં સંગ્રહ થયેલી છે. અહીં દીપવિજય કવિરાજના દેવવંદનની રચના વિશે માહિતી ખાપવામાં આવી છે. ભગવાન મહાવીરના 11 ગણધર હતા જેમાં શ્રી ગૌતમસ્વામી પ્રથમ ગણાય છે. પ્રત્યેક ગણધરને અધ્યાત્મ વિકાસમાં કોઈ એક વિષય પર શંકા હતી. પ્રભુએ 11 ગણધરોની શંકાનું પોતાના કેવળજ્ઞાનના પ્રકાશથી સમાધાન કર્યું. ગણધરોએ પ્રભુમહાવીરની ગુરુપદે આરાધના કરીને જીવન ઉજમાળ કર્યું. તે દષ્ટિએ એમના પ્રત્યે પૂજ્ય ભક્તિભાવ દર્શાવીને અહોભાવ પૂર્વક વિધિવત્ વંદન કરવામાં આવે છે. દેવવંદનની રચના માહિતી પ્રધાન જ્ઞાનમાર્ગની વિગતો દર્શાવે છે તો બીજી તરફ આ જ્ઞાન દ્વારા એમની ભક્તિ કરવામાં આવે છે. દીવાળી દેવવંદનમાં ગૌતમ સ્વામીને કેવળજ્ઞાન થાય છે. તે દૃષ્ટિએ ગૌતમસ્વામીની વંદના થયેલી છે. જ્યારે ગણધર દેવવંદનમાં ભગવાન મહાવીરના 11 ગણધરનો નામોલ્લેખ કરીને વંદન કરવામાં આવે છે. દેવવંદનની રચનામાં ચૈત્યવંદન, સ્તવન અને સ્તુતિ એમ 267
