________________ પ્રકરણ- 9 ચૈત્યવંદન (1) મહાવીર જિન ચૈત્યવંદન ચૈત્યવંદનમાં દેવાધિદેવ તીર્થંકર ભગવાનનો મિતાક્ષરી વાણીમાં પરિચય આપ્યો છે. કેટલાક કવિઓએ ચૈત્યવંદનની રચનામાં ભગવાનના જીવનના પરમ પાવનકારી પ્રસંગને વસ્તુ તરીકે સ્વીકાર્યો છે. તેનું ઉદાહરણ કવિ દીપવિજયનું મહાવીર સ્વામીનું ચૈત્યવંદન છે. બાર કડીના ચૈત્યવંદનમાં કવિએ ભગવાન મહાવીર સ્વામીના દીક્ષા કલ્યાણકના પ્રસંગે આપવામાં આવતાં વર્ષીદાનનો મહિમા વર્ણવ્યો છે. ચૈત્યવંદનના આરંભની કડી નીચે મુજબ છે. “ભોગ કરમ ક્ષીણ જાણીને, દીક્ષા સમય પીછાણી, લોકાંતીક આવી કહે, જયજય જય વાણી ના સંયમ અવસર જાણીને લોકાંતિકદેવો પ્રભુને સંયમ માર્ગે પ્રયાણ કરવા પ્રેરણા કરે છે. હે ભગવંત ! આપ દીક્ષા અંગીકાર કરીને ધર્મતીર્થ પ્રવર્તાવો. ભગવાન સંવત્સરી દાન આપે છે તે વિસ્તારથી જણાવવામાં આવ્યું છે. કવિના શબ્દો છે. - “લોકાંતીક વાણી સુણી, વીર જગતગુરુ ધીર વરસે વરસી દાનને, સવા પહોર દીન તીર. 4 સોનૈયો એંશી રતિ, માતા પિતા નિજ નામ સિક્કા ત્રણે નામના જાચો કંચન દામ”. પાપા 218
