________________ ઉપદેશાત્મક અને વૈરાગ્યપ્રદ વાણી જોવા મળે છે. ગુરુ ગુણ જ્ઞાન ગંગામાં, સદા સ્નાને શુચી થાજો, ગુરુ પદ પૂજાજો પ્રીતે, જીવનનું એ જ સાર્થક છે. ધરમ ધન ધારજો ધીરે, મુસીબત મોહની હરવા, ધરમધ્યાને રહો રાચી, જીવનનું એજ સાર્થક છે. (16) દયા દુઃખ તણી દિલમાં, ધરો તમે ધર્મના માટે, જવાશે મોક્ષની વાટે, સુંદર એ ભાવના ભાવો. (17) પરસ્ત્રી વિષયક ગઝલનું ઉદા. કુટિલ ઝહેર દેનારી, આશકના પ્રાણ લેનારી; અનેકરૂપો ભજવનારી, નરકનિગોદની બારી.” (18) ઉપરોક્ત ઉદાહરણોને આધારે કવિની ગઝલ રચનાઓનો પરિચય થાય છે. જૈન કવિઓની ગઝલ રચનાઓમાં લબ્ધિસૂરિનું નામ આગવું સ્થાન ધરાવે છે. વિષયવૈવિધ્ય હિન્દી, ગુજરાતી અને સંસ્કૃત ભાષામાં ગઝલ રચનાથી એમની કવિતા શક્તિનો નવો ઉન્મેષ જોવા મળે છે. ભટેવા પાર્શ્વનાથનું સ્તવન : અનુયોગાચાર્ય પંડિત મણિવિજયજી ગણીએ ભટેવા પાર્શ્વનાથના સ્તવનની રચના કવાલીમાં કરી છે. સાત કડીના આ સ્તવનમાં જીવાત્માનો ઉદ્ધાર કરવાનો, શરણ સ્વીકારવાની ભાવના આત્મ સ્વરૂપ પામવા માટેના વિચારો વ્યક્ત થયા છે. “ભટેવા પાર્શ્વસુખ આપો, ભવિના દુઃખ સહુ કાપો; દુષમ કાળે બહુલ કર્મિ, ઘણા જીવોના સિદ્ધાર્મિ, શરણ પ્રભુ તાહરૂં ધાર્યું, રહે નહિ કર્મ પણ વાર્યું.” (19) 157
