________________ ગુરુ તપાગચ્છના પટ્ટધર, છરીશ ગુણ યુક્ત અને ભવ્યજીવોના આધાર સમાન છે. કવિએ ગુરુનો પરિચય આપતાં સુંદર ઉપમાનો પ્રયોગ કર્યો છે. ઉદા. તખતે સોહે ગુરુ રાજજી ઉગ્યો જિમ જગ ભાણ હો, (દષ્ટાંત) મુખડું સોહે રે પૂરણ શશી (ઉપમા) અણીયાળાં ગુરુ નેણ હોં જલધરની પેઠે ગાજતા (ઉપમા) અંગ ઉપાંગની દેશના બરસત અમૃતધાર હો” (ઉક્ષા) ઉપરોક્ત પંક્તિઓ ગુરુનો પ્રત્યક્ષ પરિચય કરાવે છે. ને વળી તેમાં કવિત્વ શક્તિના અંશો જોઈ શકાય છે. “સજની શાસન નાયક દિલધરી ગાશું તપગચ્છ રાયા હો અલબેલી હેલી”, અલબેલી હેલીની ધ્રુવપંક્તિ ગહ્લીમાં રહેલી ગેયતાને અનુરૂપ બને છે. ગહુંલી ગાવાની સાથે અક્ષત, ફળ, સુવર્ણ મુદ્રાનો ઉપયોગ કરીને સ્વસ્તિક રચી મોતીથી કે સોના ચાંદીના ફૂલોથી વધાવવામાં આવે છે. સ્ત્રીઓ ઉત્તમ વસ્ત્રાભૂષણથી અલંકૃત થઈને ગહુલી ગાવામાં ભક્તિરસની અનુભૂતિ કરે છે. 144
